Tazahaw saza nundan
1 Tazahaw saza per nuamte in nattuan pha per nuam i ti ai relhnak he a hman ngai i. 2 Tazahaw saza per nuamte nundan khiah he bang i: Mawhhluk tuh um lo. Nu pakhat le nai. Hmailam ca ruat thiam. Thuthuk mat thai. Mi nuncan pha, mikhual sik thiam, mi thucuk thiam 3 Capittizu ding thai lo, thincom lo, tangka lamah ah pamhap thai lo, mi thinsau, mitawng thai lo, mi thil ir thai lo. 4 A innkuate khiah uk ben ai a fate khiah nuncan pha zirhtu i tu seh. 5 Ziangmanti fangin amah innkua rin uk ben lo fangin tu a kontihin Pathian pawlpui khiah sik ben tuh i? 6 Amah khiah thusang thar i ma seh. Ziangmanri fangin amah khiah hngal tuh ai manah in hnawmcan tuh i. 7 Amah khiah sumpua ai thusanglote lakah a hming pha pa i tu seh. Cialo fangin amahte in amah khiah sualsi tuh ai manah thang songah tlok tuh i.
Pawl upa nundan
8 Ciabangin pawl upate khai mi upathnak, thudon rel thai lo, zutama i lo, tangka lamah pamhap lo pa i tu seh. 9 Ikhalselai amah in thinlung cianghlim thawn in sanghnak songai a thuk a hman thute khiah hlun tu seh. 10 Cimanin hete thu bangin zong ben fangin mawhhluk tuh um hlahlekhaw pawl upa tuin tu seh. 11 Ciabangin a nute khai mite ai upat tlak le misiat thai lo, mah veve uk ben le zaizongza ah sangtlak mi i tu seh.
12 Pawl upate in nu pakhat lek nai tu seh. Cen amahte fate le innkua khai uk bentute i tu seh, 13 Ziangman tifangin a hman ngai ai pawl upa tuantute in mite ai upathnak khiah ngah tuhai Khrih Zisu songai a sanghnak khai kho tuh i. 14 Ning hnenah a rai hlanah ning tlawng tuh umm kongin he thute khiah ning kuat ing. 15 Ziangman tifangin feh thill lo in i taang ta lekhaw Pathian innkuate lakah ning nungdan ling ruai tuhin ning kuat ing. Pathian innkuate khiah a nung Pathian ai Pawlpui i ai thuhman khuampui le innham i. 16 Eldun dun kul lo in Pathian cianghlim thuthup khiah ngaihsun urkul a lianngai thuthup i. Pathian khiah minung ban- gin te ai Ciang Rauhla in a hman i ti in lar ruai i. Vancung mite in hmu ai mi phun hmuahhmuah lakah a thu khiah tazahaw i.