2 Kawrinthian 6 2 Corinthians

¹ Kinte khiah amah thawn naper khattute i ing. Ciamanin ning ngahhnak Pathian ngaihharhnak khiah a lovang cang tuh lo in ning so ing. ² Ziangmanti fangin amah in,

Tunnia khiah a cuu i hang. Tunnia khiah ohnak nia i.

³ Aisu in khai kin naperhnak khiah mawhhluk lohnak tuhin aisu khai bah tuh lo in per i ing. ⁴ Ikhalselai zaizongza ah kinmah veve khiah Pathian hnenum bangin nung i ing. Tuarhnak tamngai lakah, rimhnak le harsahnak le thincawlhnak le ⁵ vithnak le thawngtlahnak le hnaihnokhnak le zan tamngai mitmu lo in um le rikamhnak le ⁶ Cianghnak le linghnak le thinsau hnak le nunnemhnak le Ciang Rauhla songah le ithnak peupeu thawn le ⁷ Pon hman ponghnak le Pathian power songah le kiahhan kut le kekeh kut ah dikcanghnak ralthilthuam sin kongin le ⁸ Thangphathnak le nautathnak le mi siathnak le mi anhnak le mizawltute ti ai ruathnak napui ai mihmante, ⁹ Mite ai ling awng lo napui aisu hmuahhmuah in khai ling, a thi bang i napui ai nung hlen, cawhkuan ngah napui ai rekhnak ngah lai lo, ¹⁰ Lungsia napui ai ang tio, farah napui ai mi tamngai lian ruai, zaikhai nai napui lo ai zaizongza co liang tu i ing.

¹¹ Aw Kawrint mite a luat ngai in thu ning rel ing. Kin thinlung dawngkham khiah a kaungai in ning hon i ing. ¹² Kin ai ning ithnak khiah pamhap kongin ning it i lo ing. Ningmah sawnin pamhap kongin kin it i si. ¹³ I fate bangin ning rel ing: Kin itdunhnak thleng nga sing. Ning thinlung dawngkham khiah a kaungai in hong tu ve ih.

Thusanglote thawn rualrem tuh lo

¹⁴ Thusanglote thawn thil phurkhat mah ih. Ziangmanti fangin dikcanghnak le sualhnak khiah a bangdunhnak zai um i? Ihlahle a kontih in khuavaar le khuathim khiah pawldun thill i? ¹⁵ Cen Khrih le Belial khiah a kontihin thinkhat hnak um i? Cen thusangte le thusanglote khiah zai bangdunhnak um i? ¹⁶ Cen Pathian temple le milimte khiah zai lungkhimdunhnak um i? Ziangmanti fangin kinte khiah a nung Pathian temple i sing. Cia khiah Pathian in,

“Amahte thawn um tuhai amahte lakah vak tuh ing.

¹⁷ Ciamanin amahte songin suak tu i lai a

¹⁸ Kaimah khiah ning Pa i cang tuh ai ningte