Tholehhnak thu
1 Cen ulenaute ning hnenah taza i hawhnak kawspal thupha khiah ning hih ruai i nuam i. Cia kawspal thupha khiah ningte in saang ai cia kawspal thupha vumah ding i si. 2 Cen i tazahaw hnak thu khiah a kho ngai in hlun le isikhaw, he kawspal thupha in ning o zo i. Ihlahlekhaw ning sanghnak khiah a lovang i. 3 Ziangmanti fangin kaimah in khai i saang vehnak a thupuiber khiah ning rel sai ing: Zai i ti fangin Khrih khiah Lai Cianghlim bangin kin sualhnak ca in thi i. 4 Amah khiah vui ai Lai Cianghlim bangin ni thum nia fangin tholeh i. 5 Amah khiah Siphas in hmu ai ciaben fangin hlainihte in hmu i. 6 Cia hnua fangin mi zanga zolo in hmunkhat in hmu tlang i. Ciate a hrekkhat khiah tuntian in nung i lai. Cen a hrekhatte tu thi zo sek i hang. 7 Ciahnua fangin James in hmu i. Ciahnua fangin apawstal veksenin hmu i. 8 Hnuataber fangin a cu lo ai te tu bangin kai in hmu ing. 9 Ziangmanti fangin kaimah khiah apawstal lakah a cikber ing.