Jeremiah 25

¹ Judah kumpibawipa Josiah fapa ehoiakim in kumpibawi kum li tuan kumah Judah mite veksen ca thu khiah Jeremiah hnenah hleng i. Cia khiah Babilon kumpibawi Nebukhadnezzer kumpibawi tuan hnak kum khat kumah i. ² Prawfet Jeremiah in Judah mite veksen hnenah le Jerusalem ah umtu mi veksen hnenah, ³ “Judah kumpibawi Amon fapa Josiah kumpibawi tuanhnak kum hlaithum kum ai panin, tunnia tian i hnenah hleng hnak BAWIPA thu khiah kum kulhluanthum hnak i hang. Cen kaimah in zing niu in tho ai thu ning rel ai ningte in ngai lo i si. ⁴ Cen BAWIPA in a hnenum prawfet a veksen khiah zingniu in tho in ning hnenah hlat napui ai ningte in ning naa in ngai lo i si. ⁵ Amahte in, ‘Ning veksen in a pha lo ning nundan le a pha lo ning bawnhnak khiah tunin sir tu i lai, BAWIPA in ningmah le ning paa te hnenah ning pe hnak ramah kumzangza um tuu-ih. ⁶ A dang pathian te khiah hlun mah ih, bia khai bia mah ih. A na khai per sah mah ih. Ning kut ai perhnak na thawn in thin i tok ruai mah i lai, ning ur ruai tuh lo ing.’ ti in ning rel i. ⁷ Ikhalselai ningte in i ngai lo i si.” ti in BAWIPA in ti i. Ning ur tuhin ning kut ai bawnhnak na thawn thin i tok ruai i si.

⁸ Ciamanin vancung mite BAWIPA in, ‘Ningte in i thu i ngai lo manin, ⁹ Saklam ai mite pawl le i hnenum Babilon kumpibawipa Nebukhadnezzer khiah kawih tuh ai, he ram le a songai umtute le a hiang cingkim ai umtu mite tawng tuhin kawih tuh ing. Amahte khiah a veksenin hnawmcan tuh sio ai amahte khiah ngaihsun urkul le mi ai zauhsuam hnak le a catlo in aisu khai um lo hmun ah cang ruai tuh ing. ¹⁰ Ciazolo ah amahte songah puaihnak aw le anghnak aw le mohoitu pa aw le monu aw le lungrial pauhnak aw le mai-inn var khai um tuh lo i. ¹¹ Cen he ram khiah a pumpalah ah aisu khai um tuh lo ai ngaisun urkul ram cang tuh i. He mite in Babilon kumpibawi khiah kum sawm sarih song a naper sah tuh i.

¹² Kum sawm sarih bo fangin, Babilon kumpibawi le a ram le Khaldean te ram khiah amahte sualhnak manin cawh tuh ing. Cen cia ram khiah a zomzet in aisu khai um tuh lo i.’ ti in BAWIPA in rel i. ¹³ Ciamanin Jeremiah in ram hmuahhmuah ca ai prawfet thu relhnak khiah ca-uk songah khumhnak bangin, cia ram ca ai i relhnak khiah khim ruai tuh ing. ¹⁴ Amahte in khai mi phun dang tamngai le kumpibawi tamngai te na khiah per sah tuh i. Kaimah in amahte khiah amahte kut ai perhnak na bang in tham tuh ing.’ ti in ti i.” ti in rel i.

¹⁵ Ziangmanti fangin Israel mite Pathian BAWIPA in i hnenah, “He i kut ai i thinrawhnak capittizu khuat khiah lang tulai, kaimah in na feh ruai hmun ramte khiah ding ruai tu. ¹⁶ Amahte in ding tuhai kham tuh ai amahte lakah i hlathnak vangsau manin amahte khiah am tuh i.” ti in i rel i. ¹⁷ Ciafangin kai khai cia khuat khiah BAWIPA kut songin langai, BAWIPA ai i feh ruai hmun ram hmuahhmuah ah ding ruai ing. Ciate khiah ¹⁸ Jerusalem le Judah ramai khuate le a kumpibawite le a bawite khiah zaikhai um tuh lo in le ngaihsun urkul le mi zauhsuam hnak le mite awrsia camhnak khiah tunnia ah khim bangin, cang tuhin ding ruai ing. ¹⁹ Izip kumpibawi Pharoah le a hnenumte le a bawite le a minungte veksen; ²⁰ a rawi bial mi phun caangcaang le Uz ramai kumpibawite hmuahhmuah le Filistin ramai kumpibawi hmuahhmuah (Ashkelon, Kaza, Ekron le Ashdod ai taanghnak mite); ²¹ Edom, Moab, le Ammon mite; ²² Tyre ai kumpibawite hmuahhmuah, Sidon kumpibawi hmuahhmuah, tipui ralkhat lamai tikulh ramai kumpibawi hmuahhmuah; ²³ Dedan, Tema, Buz, le a hla ber ramai umtute; ²⁴ Arabia kumpibawite le nelrawn songai a rawi bial mi phun caang caang le; ²⁵ Zimri kumpibawite veksen, Elam kumpibawite veksen le Medes te kumpibawi veksen; ²⁶ Saklam a hla le a nong ai kumpibawite le laivum pumpalah ai kumpibawite khiah ding ruai i. Sheshak kumpibawi in khai amahte hnua in cia khuat khiah ding tuh i.

²⁷ Ciamanin amahte hnenah, ‘Israel mite Pathian, vancung mite BAWIPA in, “Ding in ning kham tu selai ning awk tu seh. Ning lakah vangsau hlat tuh ing. Ciamanin ning tlu tuh ai tho tuh nawn lo i si.” ti in ti i.’ ti in rel tu. ²⁸ Amahte in na kut ai khuat khiah ding nuam hlahlekhaw, amahte hnen ah, ‘Vancung mite BAWIPA in, “Ding tuh rori i si. ²⁹ Ziangmanti fangin i hming ai kohnak he khua ah hnophnak hleng ruai pan tuh ing. Ciaman in ningte khiah cawh lo in um thill tuh i sim? Ziangmanti fangin laivum ai umtu mite veksen vumah vangsau hleng ruai tuh ai ningte khiah cawh lo in um tuh lo i si.”ti in BAWIPA in ti i.’ ti in rel tu.

³⁰ Ciamanin amahte hnenah he prawfet thu khiah rel tulai, amahte hnenah:

³¹ Laivum a tong tianah aw khiah hleng tuh i.

³² Vancung mite BAWIPA in,

³³ Cia nia ah BAWIPA ai rekhnak mite khiah

³⁴ Tukhalte lungsia in kap tuu-ih.

³⁵ Tukhalte in tlan hmun nai tuh lo i.

³⁶ Tukhalte aw le tu te konghoi tu te

³⁷ BAWIPA a thinraw ze manin,

³⁸ Chintit bangin a kua khiah hlum i.