1 Kawi tu i lai, BAWIPA hnenah lasa nga sing.
Kin otu Lungpui hnenah ang ngai in au nga sing.
2 A hmai ah amah an kongin kawi nga sing.
Psalm te thawn a hnenah ang ngai in au nga sing.
3 Ziangmanti fangin BAWIPA khiah a lian ngai Pathian i.
A dang pathiante veksen vumah lian ngai KumpiBAWIPA i.
4 Laipua thuk ngaite khia a kut songah um i.
A saang tlangte khai amah ai i.
5 Tipui khiah amah ai i.
Amah ai bawnhnak i.
Lai ro khai amah ai bawnhnak i.
6 Amah khiah bia in kin lu ut nga sing.
Kin bawntu BAWIPA hmai-ah khukcaicin nga sing.
7 Ziangmanti fangin amah khiah kin Pathian i.
Kinte khiah a hampa lo lai ai minung te le a kut songai tu te i sing.
Tunnia ah, a aw khiah ngai le isikhaw,
8 “ Meribah ai bangin ning thin ruh mah ih.
Nelrawn song ai Massah ah bangin ning thin ruh mah ih.
9 Ning paa te in i cu hnelhno i.
I perhnak khiah hmu napui ai i sang lo i.
10 Kum sawmli song khia san minungte lakah i raw i.
Ciamanin kai in, ‘He mite in amahte thinlung songin sual tio i.
I lampui khai i ling sah lo i.
11 Ciamanin thin i raw rauh manin,
‘Amahte in i comhmun ah com tuh lo i.’
ti in ti ing.”