Psalms 91

¹ A Saangber Pathian inn songai umtu mi khiah

A Cungnung Pathian nihlim hnia ah um tuh i.

² Kaimah in BAWIPA khiah,

“I been hmun le i buamhmun, i Pathian i.

Amah khiah rinsan tuh ing.” ti in rel tuh ing.

³ Thu ngai in ar pomtute thang songin na luat ruai tuh i.

Cen a thi thai lio urhnak thawn khai na khel ruai tuh i.

⁴ Amah in a ko thawn na hup tuhai,

A ko hnia ah buan tuh i si.

A thuhman khiah na luum pui le na lum niu i tuh i.

⁵ Ciamanin zanlai ai kihkul te khiah na lau tuh lo i.

Cen sunlai ai conkiang khai kih tuh lo i si.

⁶ Khuathim lakai vak tu urhnak khai kih tuh lo i si.

Cen sunlai ai hnawm ruai tu khai na lau tuh lo i.

⁷ Mi thawngkhat khiah na hiang ah tlu tuh i.

Thawng zakhat khai na kiahhan lamah tlu tuh i.

Ikhalselai pakhat bang khai na nong ah kawi tuh lo i.

⁸ Na mit lek in misualte lehsawng khiah hmu tuh i si.

⁹ Nangmah in i benhmun,

a Sangber BAWIPA khiah na inn in hmang manin,

¹⁰ Na vumah a pha lo hleng tuh lo i.

Cen na inn nong ah urhnak khai kawi tuh lo i.

¹¹ Ziangmanti fangin amah in a vancung mite khiah na kilkhawl tu tuhin na pe tuh i.

¹² Na ke in lung sui tuh lo in cia vancung mite in nangmah khiah amahte kut in na dong tuh i.

¹³ Nangmah in chintit le a ru nai rul khiah fon tuhai,

Chintit niu le rul khiah na ke in tlawh tuh i si.

¹⁴ Amah in kaimah khiah i it manin,

Amah khiah luat ruai tuh ing.

Amah in i hming i ling sah manin,

amah khiah do tuh ing.

¹⁵ Amah in i ko tuhai, kaimah in awi tuh ing.

Harsahnak tawk fangin amah thawn um tuh ing.

Amah khiah luat ruai tuhai upat tuh ing.

¹⁶ Amah khiah nun sau ruai tuh ai amah khiah o tuh ing.

Psalms 91