Psalms 81

¹ Kin thapui Pathian hnenah lasa tuu-ih.

Zakuk Pathian hnenah anghnak aw thawn au tuu-ih.

² Congcing le guitar le darbu te kawm in lasa tuu-ih.

³ Hla thar le hlaran fangin thirhlung khiah tum tuu-ih.

Puai nia ah tum tuu-ih.

⁴ Ziangmanti fangin cia khiah Israel mite ca thukham i.

Zakuk Pathian ai upadi dan i.

⁵ He khiah i ling lohnak pon pong hmun Izip ram pumpalah ah amah khiah vak fangin,

Joseph hnenah tettikhan hnak i.

⁶ Amah in, “Amahte kodar vumai thilrit khiah sawng sah ing.

Amahte in bawm khiah awh kul lo i.

⁷ Rim ning su fangin i ko fangin, ning bawm ing.

Khuari songin ning awi ing.

Meribah ai ti hnenah ning cu awng ing. Selah

⁸ Aw i minungte, i ngai tu i lai ning tiam tuh ing.

Aw Israel mite, i thu i ngai tuu-ih.

⁹ Ning lakah ram dang mite pathian nai mah ih.

Ram dang mite pathian khai bia mah ih.

¹⁰ Kaimah khiah Izip ramai ning suah tu ning BAWIPA Pathian ing.

Ning kaa khiah hong tu i lai, ning thun ngang.

¹¹ Ikhalselai i minungte in i aw khiah ngai nuam lo i.

Israel mite in kai thawn zaikhai bawn nuam lo i.

¹² Ciamanin amahte thusawm dunhnak bangin nung tuhin amahte thinlung ai ruathnak bangin nung ruai ing.

¹³ Aw, i minungte in i thu i ngai selai,

Israel mite in i lampui hlun ta selai!

¹⁴ Amahte raal khiah nemh sah tuh napui ing.

Amahte tawngtute khiah tawng sah tuh napui ing.

¹⁵ BAWIPA huatute in amah thu khiah ngai khel i.

Ikhalselai amahte khiah kumzangza in cawh tuh i.

¹⁶ Amah in amahte khiah a ur ber sangvut thawn cawm tuh napui i.

Lungpui songai khoitilu thawn ning kham ruai tuh napui ing.

Psalms 81