1 Aw BAWIPA, kin BAWIPA,
Na hming khiah laivum pumpalah ah zaitluk in thang i!
Na thangphathnak khiah van vumah haih zo i si.
2 Na raalte manin le na raalte le mi phuzultute pon tong thai in,
naupangte le nausente kaa song in tha hat ruai i si.
3 Na kutzung ai bawnhnak vancungte le hla le arsite khiah ngai i sung fangin,
4 Zaimanin minung khiah hih zuam i si?
Zaimanin minung fapa khiah leng zuam i si?
5 Ziangmanti fangin amah khiah vancung mi tahin niam deuh in bawn i si.
Amah khiah thangphathnak le zulhnak thawn a lu khuk i si.
6 Na kut ai bawnhnak hmuahhmuah khiah uk tuhin amah khiah bawn i si.
Zai hmuahhmuah khiah a ke hnia ah dah sio i
7 Tu te le kawlpawte le hampalak ai ramsate le
8 van ai vaniute le tipui songai leuh tu ngate kawmin a ke hnia ah dah zo i si.
9 Aw BAWIPA, kin BAWIPA,
Na hming khai laivum pumpalah ah zaitluk in thang i!