LAI CIANGHLIM ZANNIAT BAIBAL
← Previous 36

Psalms 37

Next → 38

1 A pha lo bawntu mite manin cam hnelhno mah.

Cen sualhnak bawntu mite khai ot mah.

2 Ziangmanti fangin amahte khiah hampa bang in at tuh lio ai hnuhhing bang in ro tuh lio i.

3 BAWIPA khiah rinsan tulai, a pha bawn tu.

Ciatih bangin laivum ah nung tulai,
rong na kham tu pek i.

4 BAWIPA lakah khai ang tulai,

na thinlung ai daihhnak khiah na pe tuh i.

5 Na lampui khiah BAWIPA hnenah ap tu.

Cen amah khai rinsan tu.
Ciafangin amah in khim ruai tuh i.

6 Na dikcanghnak khiah khuavar bangin amah in lar ruai tuh ai, na thuhman khiah sunlai var bangin bawn tuh i.

7 BAWIPA songah com tulai amah khiah thinsau ngai in iang tu.

Amahte bawnhnak khaang manin cam mah.
Cen a pha lo suak ruai tu pa manin khai cam mah.

8 Thinraw awl tu. Thinraw khiah zam tu.

Cam hnelhno mah.
Ziangmanti fangin sualhnak lek suak tuh i.

9 Ziangmanti fangin a pha lo bawntu te khiah rek tuh lio i.

Ikhalselai BAWIPA na a per sahtute in laivum khiah co tuh i.

10 Ziangmanti fangin zaicam lo ah,

mi sualte khiah taang tuh lo i.
A umhmun rin nangmah in a kungniu in sii tuh napui ai amahte khiah um tuh lo i.

11 Ikhalselai thinniamte in laivum co tuh i.

Cen amahte in thinnuam ngai in khai um tuh i.

12 Mi sualte in mi dikcangte tawng tuhin a thupruk in thusawm hnelhno i.

A kaam thawn khai amah khiah riat hnelhno i.

13 Ikhalselai amah khiah BAWIPA in hnihsan i.

Ziangman ti fangin amah nia khua hleng tuh khiah hmu sah i.

14 Mi sualte in a vangsau khiah phok ai amahte kahpuk khiah er i.

Mi farahte le thilri samtu te khiah lon tum i.
A hman ai nungtute khiah rek tum i.

15 Ikhalselai amahte vangsau in amahte thin khiah dawt tuh ai,

amahte kahpuk khiah ek sah tuh i.

16 Mi dikcang pa ai a tlawmniu naihnak khiah mi sual pa ai a tamngai naihnak tah in pha sawn i.

17 Ziangmanti fangin mi sualte baanpui khiah ek sah tuh i.

Ikhalselai BAWIPA in a dikcangte khiah awh i.

18 BAWIPA in mi dikcang te nunhnak niakhua khiah ling sah ai,

amahte ro khiah kumzangza in taang tuh i.

19 Rimsuhnak niakhua hleng fangin zakthi tuh lo i.

Riantlung fangin khai amahte khiah rongkham tuh i.

20 Ikhalselai mi sualte khiah rall tuh i.

BAWIPA raalte khai rall tuh i.
Lo lai ai paparte mawihnak khiah pai bangin anite khai pai tuh ve i.
Amahte khiah maikhu bangin pai tuh i.

21 Mi sualte in pu ai rul leh lo i.

Ikhalselai mi dikcangte in ngaihharhnak nai manin pe i.

22 A hmuifu burhnak mite in laivum co tuh i.

Ikhalselai amah ai cukcamhnak mite khiah rek tuh i.

23 Mi pha mite kalsuan khiah BAWIPA in tek sah i.

Cen BAWIPA khiah amahte lakah ang i.

24 Amah khiah bah khalselai tlu tuh ngio lo i.

Ziangmanti fangin BAWIPA in amah khiah a kut thawn awh tuh i.

25 Kaimah khiah naupang awng ing.

Tuntu i tar zo i.
Ikhalselai mi dikcangte khiah zam lio khiah hmu lai lo ing.
Cen a tesin fate in khai rong ngen hnelhno in um lo i.

26 Amah khiah mi ngaihhar thai amam manin amah in pe tio i.

27 A pha lo hmunin tlan tulai, a pha khiah bawn tu.

Ciafangin laivum ah kumzangza um tuh i si.

28 Ziangmanti fangin BAWIPA in thuhman khiah daih i.

Cen a minungte khai zam lo i.
Amahte khiah kumzangza in him ruai i.
Ikhalselai mi sualte tesin fate khiah rek tuh berh i.

29 Mi dikcangte in laivum khiah co tuhai a songah kumzangza um tuh i.

30 Dikcang pa kaa in fimhnak thurel i.

A lei thawn thuhman khiah rel i.

31 A thin songah a Pathian upadi dan khiah um i.

lamvak fangin khai bah tuh lo i.

32 Mi sualte in mi dikcangte khiah rek tuh in cul i.

33 Ikhalselai BAWIPA in cia pa khiah mi sual pa kut songah zam tuh lo i.

Cen a thu khai cit fangin khai amah khiah cawh tuh lo i.

34 BAWIPA na khiah per sah in a thu khiah hlun tulai laivum co tuhin na do tuh i.

Mi sualte khiah rek fangin, nangmah in hmu tuh i si.

35 Mi sual pa khiah bawi lian ngai cang hmu awng zo ing.

Amah in buangpui bangin kaak bial i.

36 Ikhalselai amah khiah thi lio ai,

amah khiah um leh nawn lo i.
Kaimah in sii perpo napui ai amah khiah tawk thill lo ing.

37 Mawhhluk tuh nailo pa khiah sik tu.

Mi dikcang pa khiah cul tu.
Cia pa nunhnak khiah thinnuamhnak thawn dim i.

38 Ikhalselai mi sualte khiah hmunkhat in rek tuh berh i.

Mi sualte hmailam khiah cem sah tuh i.

39 Ikhalselai mi dikcang te ohnak khiah BAWIPA hnenin hleng tuh i.

Amahte in rimsu tuar fangin BAWIPA khiah amahte tha i.

40 Amahte in BAWIPA khiah rinsan manin,

BAWIPA in amahte khiah bawm tuh ai luat ruai tuh i.
Amah in amahte khiah mi sualte hnenin luat ruai tuhai,
amahte khiah o tuh i.
Amahte khiah o tuh i.
← Previous 36
Psalms 37
Next → 38