1 BAWIPA khiah an tuu-ih.
Ziangmanti fangin, kin Pathian hnenah cuanhnak lasa tuh khiah a pha i.
Ziangmanti fangin a hmuhhiam le cuanhnak khiah a mawi i.
2 BAWIPA in Jerusalem khiah sa i.
Amah in raalte ai pomhnak Israel mite khiah hmunkhat in khawm leh i.
3 Amah in thinhnawm mite khiah thinnuam ruai i.
Amahte hmaimaa te khiah pen sah i.
4 Amah in arsite khiah siar ai a veksenin a hming in ko i.
5 Kin BAWIPA khiah lian ngai i.
Huthawm lian ngai nai i.
A linghnak khiah a rel zolo i.
6 BAWIPA in thinniamte khiah do ai,
Mi sualte khiah laipua ah lon i.
7 BAWIPA hnenah an kong in lasa tuu-ih.
Kin Pathian hnenah congcing thawn cuanhnak lasa tuu-ih.
8 Amah in van khiah mairo thawn khuk i.
Amah in laipua ah ruah sii ruai i.
Amah in mual vumah hampate po ruai i.
9 Amah in ramsate le a aai tu langaak te khiah rong pe i.
10 Amah in siphuh tha lakah lungkhim lo i.
Minungte ke ah khai ang lo i.
11 BAWIPA in a kih tute vumah ang i.
A ngaihharhnak umm tute vumah ang i.
12 BAWIPA khiah cuan tuu-ih, aw Jerusalem!
Ning Pathian khiah cuan tuu-ih, aw Zion!
13 Ziangmanti fangin amah in ning kawl dawngkham thingte khiah kho ruai i.
Ning songai ning fate khai hmuifu bur zo i.
14 Ning ramri ah remhnak ning bawt i.
A phaber sangvut thawn ning dim ruai i.
15 Laivum ah a thu khiah hlat i.
A thu khiah a rang ngai in dawp i.
16 Amah in vur khiah sahmul bangin pe i.
Naidawh khiah vutkuang bangin peu ruai i.
17 Rial khiah a cik niuniu in tla ruai i.
Aisu in a khuasik ruaihnak khiah tuar ben i?
18 Amah in a ponka khiah hlat ai amahte khiah zul ruai i.
Amah in a hlivua khiah zuang ruai ai ti luang i.
19 Amah in a thu khiah Zakuk hnenah rel i.
A upadi dan le a thukhanhnak khiah Israel mite pe i.
20 Hetih bangin amah in mi phun dang thawn bawn awng lo i.
A thukhanhnak khiah amahte in ling bul lo i.
BAWIPA khiah cuan tuu-ih!
