LAI CIANGHLIM ZANNIAT BAIBAL
← Previous 144

Psalms 145

Next → 146

1 Na pha hnak thu khiah phuang tuh ing,

i Pathian, aw KumpiBAWIPA.
Kumzangza in na hming khiah hmuifu bur tuh ing.

2 Nisiar in hmuifu na bur tuh ing.

Na hming khiah kumzangza in cuan tuh ing.

3 BAWIPA khiah lian ngai i.

Ciamanin a rauhngai in cuan pha i.
A lian ze manin a lianhnak khiah sii zo lo i.

4 San khat in san khat hnenah nangmah ai perhnak khiah cuan tuh i.

Nangmah ai perhnak a lian ngai ngai khiah rel tuh i.

5 Na kumpibawi huthawm ngaihsun urkul le

Nangmah ai perhnak te khiah ngaisung in ruat tuh ing.

6 Mite in a laukul na bawnhnakte khiah rel tuh i.

Na lian hnak khiah phuang tuh ing.

7 A pha ngai ai na bawnhnak khiah hih in amahte in rel tuhai, na dikcanghnak khiah sa tuh i.

8 BAWIPA khiah mi ngaihhar thiam le mi sik thiam i.

A thin khai com lo i.
Ngaihharhnak thawn dim pek i.

9 BAWIPA khiah mi veksen hnenah pha i.

A ngaihharhnak khiah a perhnak na veksen vumah um i.

10 Nangmah ai perhnak na hmuahhmuah in na cuan tuh i, aw BAWIPA.

Na minungte in hmuifu na bur tuh i.

11 Na ukhnak thupha khiah amahte in rel tuh i.

Amahte in na huthawm khiah rel tuh i.

12 Mi fapa te hnenah ngaihsun kul na perhnak khiah ling ruai tuh i.

Na ukhnak ngaihsun urkul khiah phuang tuh i.

13 Na ukhnak khiah kumzangza ukhnak i.

Na ukhnak khiah san hmuahhmuah tian in kho tuh i.

14 BAWIPA in a bah tute khiah huam i.

El kawnte khiah a veksenin cang ruai i.

15 Umm ngai ai na sik tu te khiah

A cu bangin amahte khiah rong pe i si.

16 Nangmah in na kut khiah hong ai,

Nunghnak nai te ai daihhnak khiah khim ruai i si.

17 BAWIPA bawnhnak hmuah khiah dikcang i.

A bawnhnakte hnenah hmunthiam i.

18 BAWIPA khiah a ko tu hmuahhmuah te nong ah um i.

A hman ai ko tu te nong ah um i.

19 Amah in a kih tute daihhnak khiah khim ruai tuh i.

Amahte kaphnak khai za sah tuh ai o tuh i.

20 BAWIPA in a it tu hmuah him ruai i.

Ikhalselai mi sualte khiah a veksen in rek tuh i.

21 I kaa thawn BAWIPA cuanhnak thurel tuh ing.

Nunghing hmuah in a hming khiah kumzangza in hmuifu bur tuh i.
← Previous 144
Psalms 145
Next → 146