1 Hete ben fangin David in Filistin te khiah tawng ai neh lio i. David in Methek Ammah khiah Filistin te kut songin lang sah lio i.
2 Moab te khai tawng ai, amahte khiah laipua ah taal ruai ai a rin thawn teh i: Rin nihthawm a tehhnak mite khiah rek ai, rin khat thawn ai a tehhnak mite khiah nung ruai i. Ciamanin Moab mite khai David hnenum cang ai siakhhuai te kawih sah i.
3 David in Zufraitis run ai a ramri khiah lang leh tuhin feh fangin, Zobah kumpibawi, Rehob fapa, Hadadezer khiah tawng i.
4 Hadadezer hnenin David in siphuh leng 1000 le siphuh to raalkap 700 le raalkap 22000 khai pom sah i. Siphuh leng duktu siphuhte khiah a veksenin a kawngpui thari cem sah ai siphuh leng 100 lek khawl i.
5 Damaskhas ai Siria mite in Zobah kumpibawipa Hadadezer bawm tum fangin, David in Siria mite 20,000 rek i.
6 Ciafangin David in Damaskhas ai Siria ah raalkap dah ai Siria mite khiah David hnenum cang ai siakhhuai pe i. BAWIPA in David feh hmun cang ah a himniu in kilkhawl i.
7 David in Hadadezer hnenumte kenghnak sui ai bawmhnak lum khiah lang sah ai Jerusalem ah kawih i.
8 Hadadezer te khua Betah le Berothai in kumpibawipa David in dar a tamngai khai lang i.
9 David in Hadadezer raalkapte khiah i ti khiah Hamath kumpibawipa Toi in za fangin,
10 Toi in a fapa Joram khiah kumpibawipa David hnenah a upat tuhin le hmuifu bur tuhin hlat i. Ziangmanti fangin amah in Hadadezer khiah tawng awng ai amah khiah neh awng i. Ziangmanti fangin Hadadezer khiah Toi thawn raaltawng dun de i. Ciafangin Joram in sui bel le ngun bel le dar bel te keng i.
11 Ciate khiah kumpibawipa David in a nehhnak mi ramdang veksen te ngun le sui kawmin, BAWIPA hnenah hlu i.
12 Cia ram dangte khiah Siria le Moab le Ammon mite le Filistin te le Amalek te le Zobah kumpibawi Rehob fapa Hadadezer hnenai sutsah hnak te i.
13 Verified text not yet available. 14 David in Edom ram pumpalah ah raalkapte haih ai Edom veksenin David hnenum cang i. BAWIPA in David feh hmun cang ah a himniu in kilkhawl i.
15 David in Israel mi veksen khiah uk i. David in Israel mite veksen khiah a hman le a dikcang ngai in thukhan sah i.
16 Zeruiah fapa Joab khiah a raalkapte uktu bawi i. Ahilud fapa Jehoshaphat khiah laikhum tu i.
17 Ahitub fapa Zadok le Abiathar fapa Ahimelek te in phungki tuan i. Seraiah khiah secretary i.
18 Jehoiada fapa Benaiah khiah Cheret mite le Pelet mite uk ai David fapate khiah bawi upaberte i.