Genesis 3

A hmasaber Sual panhnak

¹ Pathian bawnhnak nunghing miangmo lakah rul khiah a ngian nai ber i. Cia rul in nupang nuu hnenah, “Pathian in,‘Vandum songai thingkung thai ei tuh lo i si.’ti in ning rel peupeu im?” ti in zawt i. ² Nupang nuu in rul hnenah, “Vuandum songai thing thai ei thai i ing. ³ Ikhalselai Pathian in, ‘Vuandum laiteng ai thingkung thai tu ei tuh lo i si. Cen khing khai khing tuh lo i si. Ziangmanti fangin ning thi mawh ngai,’ti in kin ti i.”ti in sawn i. ⁴ Rul in nupang nuu hnenah, “Ning thi tuh zel lo i. ⁵ Ziangmanti fangin cia thing thai ning ei nia ah ning mit ning hong tuh le Pathian bang tuh i si. Ciafangin a pha le a pha lo khiah ling tuh i si.”ti in ti i. ⁶ Nupang nuu in cia thing thai khiah ei pha le hmuhhiam le fim ruai thai khiah hmu fangin cia thing thai khiah loih ai ei i. Ciafangin a pa khai pe ai ani in khai ei ve i. ⁷ Cia fangin anite mit khai hong lio le anite khai kawngkolh i ti ling lio manin thaihnah khiah amahte veve khuk tuhin khui i. ⁸ Cia fangin sunlai a daphliang teng in vuandum songah BAWIPA Pathian vakhnak pau khiah minung pa le a nu in za ai anite khai thing kua lakah BAWIPA Pathian hnenin relh i. ⁹ Ikhalselai BAWIPA Pathian in minung pa hnenah, “Akonah i si?” ti in ko i. ¹⁰ Mi nung pa in, “Vuandum songah na pau na za ai kaimah khiah kawngkolh manin i lau ai ciamanin relh ing.” ti in sawn i. ¹¹ Pathian in, “Aisu in kawngkolh i si ti in na rel i? Ei mah ti ai na khamhnak thing thai ei lio i aw sim?” ti in zawt i. ¹² Mi nung pa in, “Kaimah thawnai na dahhnak nupang nuu in cia thing thai khiah i pe ai ei te ing.” ti in sawn i. ¹³ Ciafangin BAWIPA Pathian in nupang nuu hnenah, “Zaimanin hetih in bawn i si?” ti in zawt i. Nupang nuu in, “Rul in i zawl ai ei te ing.” ti in sawn i. ¹⁴ Ciafangin BAWIPA Pathian in rul hnenah,

¹⁵ Cen nangmah le nupang

¹⁶ Cen nupang nuu hnenah BAWIPA Pathian in,

¹⁷ Cen Adam hnenah BAWIPA Pathian in, “Na nu thu ngai in ‘ei ma law,’ ti ai na khamhnak thing thai ei manin,

¹⁸ Laipua in hling le maimawte po ruai tuh ai hampalak ai hnuhhing te khiah ei tuh i si.

¹⁹ Nangmah khiah laivut ai bawnhnak i bangin laivut ah na cang leh tuh i.

²⁰ Adam in a nu khiah a nunghing hmuahhmuah nuu i manin Eve ti in a hmingsa i. ²¹ BAWIPA Pathian in Adam le a nu khiah saphaw angki bawt ai silh i.

²² Ciafangin BAWIPA Pathian in, “Minung pa khiah kinmah bangin a pha le a pha lo ling lio manin kinmah bang i hang. Ciamanin nunhnak thing thai khai a kut in pur siang tuh lo i sing. Cialo fangin ani in cia thing thai khiah ei ngaikhaw kumzangza in nung mawh ngai,” ti in ti i. ²³ Ciamanin a te hmun laipua vai tuhin BAWIPA Pathian in amah khiah Eden Vuandum in hnawt i. ²⁴ Minung pa hnawt ben fangin Eden Vuandum ziatlam ah cherubim tihnak vancung mi le a leuh zutzo a ko hiangho vangsaupui khiah nunhnak thingkung kawihmun lampui kil tuhin BAWIPA Pathian in dah i.