1 Cia nia ah nupui pa sarih in pasal pakhat khiah pom tlang tuhai,
“Kinmah rong ei tuh ngawn i ing.
Kinmah pon sil tuh ngawn i ing.
Mi zauhsuamhnak in kin luat tuhin
na hming phur nga ing.” ti in ti tuh i.
2 Cia nia ah Bawipa ai a Thingkaak khiah mawi ngai le hming thang ngai tuh i. Cen a luat ngah tu Israel mite ca ah laivum ai thingthai te khiah a pha ngai le mawi ngai tuh i. 3Cia nia ah Jerusalem khua songai a nungte lakai a hming khumhnak te Zion ai taang tute kawmin a cianghlim ti in ko tuh i. 4Bawipa in Zion fenute rimhnak le Jerusalem khua songai thi khiah cawhkuanhnak le mai thawn ciang ruai fangin, 5Bawipa in Zion mual veksen vumah le ciata ai pumkhawm tute vumah, sun fangin mairo le maikhu, zan fangin a tleu ngai mai var dah tuh i. Ziangmanti fangin, a thangphat hnak veksen vumah khukhnak um ruai tuh i. 6Cia khukhnak khiah sun nisa fangin buanhmun nihlim le khuahu le ruahsii fangin benhmun le relhhmun cang tuh i.