Revelation 9

<< REVELATION 9 >>

9Ciafangin a pangahnak vancung mi in a thirhlung khiah tumai, vancung in arsi pakhat laivum ah tlok teu khiah hmu ing. Cia arsi hnenah a thuk rel zolo rawnkua cabi pe ai, 2Amah in cia a thuk rel zolo rawnkua khiah hong fangin cia kua songin maipual lian ngai khu bang maikhu suak ai cia kua songai maikhu in ni le hlivua khiah thim ruai i. 3Ciafangin maikhu songin laivumah khokhuakte suak ai amahte khiah laivum ah momsir power bang power pe i. 4Amahte in laivum ai hampa le a hing thilte le thingkungte khiah hnawmcan tuh lo ai amahte cal ah Pathian tacik khethnak nai lo tu minungte ian hnawmcan tuhin thu pe i. 5Amahte in cia minungte khiah hla nga song rim tuhin a khuan pe i. Ikhalselai amahte khiah rek tuh lo in thu pe i. Cen amahte rimhnak khiah momsir in minung cik fangin rimhnak bang i. 6Cia niakhua ah minungte in thihhnak sii tuh napui tawk tuh lo i. Amahte in thi nuam tuh napui ai thihhnak khiah amahte hmun tlan tuh i. 7Cia khokhuakte khiah raaltawng tuhai pai ciahnak siphuhte thawn bang i. Amahte lu ah sui lukhuk bang khu ai amahte hmai khiah minungte hmai bang i. 8Amahte sam khiah nupuite sam bang i. Cen amahte kam khiah chintit kam bang i. 9Amahte sohnar huphnak khiah kahpathir bang i. Amahte ko thawngvang khiah raaltawng hmunai siphuh le siphuh leng tamngai thawngvang bang i. 10Amahte mei khiah momsir mei bang i ai cia thawn mite cik i. Hla nga song minungte ur ruai tuhin amahte power khiah amahte mei songah urn i. 11Amahte uktu kumpibawi khiah a thu rel zolo kua songai vancung mi i ai amah hming khiah Hebru pon in Abaddon ti in ko ai Krik pon in, Apollyon, ti in ko i. 12Rimsuhnak a hmasaber khiah bp i hang. Rimsuhnak a panihhnak hleng tuh i lai. 13Ciafangin a parukhnak vancung mi in thirhlung tum ai, Pathian hmai ai sui khuthnak awlta cabuai ningli ai ki pali hnenin aw pakhat za ing. 14Cia aw in cia thirhlung naitu a parukhnak vancung mi hnenah, “A lian Zufraitis runti songai henhnak vancung mi palite khiah hlat tu ” ti in rel i. 15Ciamanin cia cuu nazi le niakhua le hla le kum ca ai railing cia ai dahhnak vancung mi palite khiah minung hmuahhmuah hmimthum khan -hmunkhat rek tuhin hlat i. l6Cia siphuh totu raalkapte.khiah million zanih i ti ai siarhnak za ing. 17I raang le hanrawl ai i hmu hnak siphuh totute le siphuhte khiah hetih bang i: Amahte sohnar huphnak phawte khiah a san le a tangphaw le aihre bang i. Siphuh lute khiah chintit lu bang i ai amahte ka songin mai le maikhu le kat suak i. 18Amahte kaa songai suakhnak mai le maikhu le kat he pul pathum in minung hmuahhmuah hmunthum khan hmunkhat rek i. l9Ziangmanti fangin siphuhte huthawm khiah amahte kaa songah le amahte meiphiar ah um i. Amahte meiphiar khiah rul bang i ai a lu nai le cia a lu thawn minungte ur ruai i. 20He pul ai rek lo ai tanghnak minungte in amahte kut ai perhnak naper khiah sir lo i. Cen khua khai hmu lo, khua khai za lo, vak khai vak lo sui le ngun le dar le lungto le thing thawn ai bawnhnak milimte le khuavangte khai bia awl lo i, 21Cen amahte in amahte ai mirekhnak le dawi thawn ai naperhnak le nun sualhnak le rukohnak khai sir nuam lo i.

<< REVELATION 9 >>

 

Leave a Reply

Your email address will not be published. Required fields are marked *