Revelation 18

<< REVELATION 18  >>

18Hete ben fangin vancung m a dang vancungmi pakhat tolh hmu ing. Amah in huthawm lian ngai khiah nai ai amah thangphat hnak in laivum tleu ruai i. 2Ani khai aw cawm ngai thawn, “Babylon khuapui khiah tlok te i hang, tlok te i hang. Amah khiah khuavangte umhmun ah cang te i hang. A pha lo rauhla le a pha lo le a hua kul vaniu hmuahhmuah lenhmun lentawng ah cang te i hang. 3Ziangmanti fangin mi phun hmuahhmuah in taksa sualhnak capittizu ding zo sek ai laivum kumpibawite in amah thawn nulepa bualhnak bawn i. Cen laivum ai dawrtuah tute khai cia nuu in a hlai ai naihnak thilrih thawn milian cang sio i.” ti au i. 4Ciafangin vancung in a dang aw pakhat khiah, “I minungte, amah songin suak fangin a sualhnak lakah tel in a urhnak khiah co ngah mawh nga i si. 5Ziangmanti fangin a sual hnak khiah vancung tian in ban in Tiling ai Pathian in a sualhnak hih sah i.6Amah afhlam ning tham bangin hlawhtham tuu-ih. Cen a perhnak ca in a letnih in rul ttiti-ih.’ Amah aT rawihhnak khuat songah amah ca tuhin a letnih in rawih sah tuu-ih, 7Amah veve khiah thangphat hnelhno ai a hlai in nunnuam in.um bangin, amah khiah cia zah in rimsuhnak le Iungsiahnak pe tuu-ih. A thin songin, ‘Kaimah khiah kumpibawi nu bangin to ing. Hmaitong nuu i lo ing, Lungsia in kap tuh lo ing.’ ti in rel manin 8Pul ai urhnak, thihhnak le Iungsiahnak le rian khiah a vumah ni khat songin hleng tuhai amah khiah mai thawn tai tuh i. Ziangmanti fangin cia nuu cawhtu Bawipa Pathian khiah thahat ngai Bawipa i.” ti ai rel khiah za ing.

9Ciafangin cia nuu thawn sual ai a hlai ai nunnuam rauh ai umtu laivum kumpibawite khai cia nuu kanghnak maikhu hmu fangin cia nuu kah tlang tuh i. 10Amahte in cia nuu cawhkuan khiah kih in a hlapui in ding tuhai, ‘Ai aw! ai aw!, nang khua lianpui, huthawm thawn Him, nang khua lianpui Babilon. Nazi pakhat songin na rail lio hang.’ ti in rel tuh i.

10Cen laivum ah dawrtuah tute in cia nuu khiah kah tuh i. Ziangmanti fangin aisu in khai amahte thilri le 12Sui le ngun le a mankhung lungvar le hlawnthill le ponthan pha le pu le pon num le pon san le thinghmui phun caang le vuihaa le a mankhung thing thawn bawnhnak thil hmuah hmuah levdar le thir le laisawr le 13sinamon le aihre le rimhmui le zihmui le frenkinsens le capittizu le sathau le, maida vut le sangvut le kawlpaw le tuu le siphuh le siphuh leng le sal le minung rauhla te khiah lai sah nawn lo i hang. 14Na ummhnak thingthai khai pai berh i hang. Na hmel mawihnak hmuahhmuah le na sunparhnak hmuahhmuah khiah pai sio ai daak 4iih nawn lo i hang.” ti in ti tuh i. 15Cia nuu hnenah thil zuar ai milian cangtu dawrtuah tute in cia nuu cawhkuanhnak khiah kih in a hlapui in ding tuh ai kap kongin, 16“Ai aw! ai aw! Pon than pha le pon num le pon san thawn ai thuam hnak le sui le hlawnthil le a mankhung lungvar thawn ai parhnak khua lianpui, 17‘Nazi pakhat songin he lianhnak hmuahhmuah a veksenin a lovang cang berh i hang.” ti in kah tuh i Cen timbaw -mawngtute le tipui vumai khualsi tute hmuah le timbaw naper tute le tivum in sumpai tute in a hla ngai ah ding tuhai, 18cia nuu kanghnak maikhu hmu fangin, ‘Kon khuapui khiah he khuapui thawn bang i ta?’ ti in au tuh i. 19Amahte in laivut khiah amahte lu vumah vurh tuhai, ‘Ai aw!, ai aw! Tipui vumai timbaw nai tute hmuah khiah amah lianhnak in milian cang ruaitu khua lianpui. Nazi pakhat songin cia khua khiah a lovang cang zo i hang.’ tin in kap tuh i. 20Aw vancung, aw mi cianghlimte le apawstal hnuahlunte le profette, cia nuu khiah ai tuu-ih. Ziangmanti fangin ning ca in amah khiah Pathian in cawh zo i hang.” ti in au i,

21Ciafangin a thahat ngai vancung mi pakhat in lungrial lianpui bang lungto pakhat daang ai tipui songah Ion ai, “Hetih bangin Babilon khuapui khiah a rauh ngai in lon tuhai zaikom in khai tawk tub nawn lo i hang. 22Na songin congcing tumtute le lasa tute le titilu tumtute le thirhlung tumtute thawngvang khiah za tuh nawn lo i hang. Napertu pakhat bang khai i tu seh, a naperhnak khai i tu seh na songah tawk tuh nawn lo i hang. Cen na songah lungrial thawngvang khai zak tuh nawn lo i hang. 23Cen na songin mai-inn varhnak khai tleu tuh nawn lo i hang. Cen na songah nuhoitu tlangval le a nu awka ‘khai zak tuh nawn lo i hang. Ziangmanti fangin na dawrtuah tute khiah laivum ai mi upate i. Cen mi phun hmuahhmuah khiah na dawi thawn zawli si. 24Cen cia nuu songah profette thi le mi ciangh limte thi le laivum ai rekhnak minung hmuahhmuahte thi umi.” ti in rel i.

<< REVELATION 18  >>

 

Leave a Reply

Your email address will not be published. Required fields are marked *