Hebru 9

<< HEBRU 9 >>

9Cen a hmasa sawn thukham songah Pathian bia dan le miming ai sahnak Pathian biahmun khaan um ve i. 2Ziangmanti fangin tabernacle pakhat khiah sa ai a puata khaan songah mai-inn varhmun le cabuai le a ciang hlim sangreu um i. Cia khiah a Cianghlim Hmun ti in ko i. 3A panihhnak khaan danhnak pon ber ah ‘A Ciang hlim miangmo lakah a Cianghlim- ber’ ti ai kohnak tabernacle um i. 4Ciata ah suiti ai khuthnak rimhmui taihmun awlta cabuai le thukhamhnak khawi hmun thingkuang um i. Cia thingkuang khiah a pumpalah in sui thawn khut ai a songah sui khuat um ai cia khuat songah manna tihnak sangreu le a peem nai Aaron faikiang le thukhamhnak lungtlepte um i. 5A vumah thangphathnak cherubim um ai ngaihharhnak tauhkheng khiah cia cherubimte in a ko thawn khuk i. He thilte khiah tunin a khim liang in rel thill lo i sing.

6He hmuahhmuah khiah bawn ben fangin phungkite in a puata khaan songah lut ai amahte natuan per i. 7IkhalseIai a panihhnak khaan songah tu phungki upaber lek kum khat ah velkhat lek lut de ai amah le minungte sualhnak ca in amah in hlu tuhin thi keng lo in lut lo i. 8Ciamanin a puata khaan um song hmuah in a cianghlimber khaan songah luthnak tuh dawng hong lai lo i ti khiah Ciang Rauhla in larruai i. 9Cia a puata khaan khiah tun san ca ai hnikhnaih hnak i. Hetih bangin lehsawng le bawlhnak a hlu khiah hlu napui ai date in a biatute ruathnak khiah cianghlim ruai thill lo i. 10Ziangmanti fangin  ciate khiah rong le ti le a dan bang ai kutsomhnak dan lek i le thlenghnak tikcu a hleng hlan hmuah pumpui ukhnak tuhai dahhnak i.

10Ikhalselai Khnh khiah a hleng tuh lai thil pha hmuahhmuahte phungki cang tuhin hleng fangin kut thawn le laivum thilri thawn ai sa lohnak a lian sawn le a cianghlim sawn tabernacle songah lut i. 12Me thi le kawlpaw thi thawn lut lo ai amah thi rori thawn a Cianghlim Hmun songah kumzangza ca in velkhat lut ai ciatih bangin kumzangza luangtlanhnak khiah kin ngah sah i. 13Ziangmanti fangin me thi le kawlpaw thi le kawlpawlaa mai ai taihnak vutkuang khiah a sual mite vumah phulh fangin cia taksa pumpui khiah ciang ruai lekhaw, 14Sualhnak nai lo Khrih khiah kumzangza Ciang Rauhla songin amah veve khiah Pathian hnenah pe ai cia Khrih thi in ning ruathnak khiah thihhnak naper hmunin a nung Pathian na per sah tuhin zaitluk tamin ning ciang ruai tuh i.

15Ciamanin a kohnak minungte in khamciahnak kumzangza ro co thill thai in amah khiah thukham thar Remruaitu pa i. Ziangmanti fangin a hmasa sawn thukham songai sualhnak hmunin amahte khiah luangtlan tuhin Khrih in thihhnak tuar zo i hang. 16Ziangmanti fangin ro hlup dun fangin a hluptu pa thi hmasa kul i. 17a hluptu pa thi zo fang ianin rokhawl sah dun thill i. Cialo fangin ro hluptu pa a nung song hmuah in a ro khiah co sah thill lo i. 18Ciamanin a hmasa sawn thukham rin thi thawn phiah hnua fang ai cianghlim ruai i. 19Minung veksen hnenah upadi dan hmuahhmuah khiah Moses in rel ben fangin, ti le tuhmul san le hisop thingkak khiah kawlpaw thi le me thi songah nim ben fangin cia ca-uk le minungte veksen vumah phiah i. 20Ciaben fang in Moses in, “He thisan khiah Pathian ai ning hlun tuh ai ruaihnak thukham ca ai thisan i.” ti in rel i. 21Ciatih bangin thi thawn tabernacle le Pathian biahnak ai hmanghnak umkheng hmuahhmuah khiah phiah i. 22Thu ngai in upadi dan songah a veksen dawn in zai hmuahhmuah khiah thisan thawn ciang ruai ai thisan far lo in sualhlathnak um thill lo i.

23Ciamanin vancung ai thilte ku saihnak laivum ai thilte khiah ciabang bawlhnak thi thawn ciang nxai kul i. Ikhalselai vancung ai thilte tu he bawlhnakte tah ai pha sawn bawlhnak thawn ciang ruai kul i. 24Ikhalselai Khrih khiah van­cung ai Pathian biahmuh ku saihnak minung ai sahnak laivum ai Pathian biahmun khaan songah lut lo ai kinte ca in Pathian hmai ah ding tuhin vancung ngaingai ah lut zo i hang. 25Cen phungki upa pa in a Cianghlim Hmun ah kum siar in amah thisan thawn i lo ai ramsa thisan thawn lut i. Ikhalselai Khrih tu amah pum hlu tuh leklo in lut lo i. 26Ziangmanti fangin ciatih in lut i selai laivum po ngom ai panin amah in anhharhnak khiah tuar leh thio kul tuh leklo i. Ikhalselai a cang zo bangin laivum bohnak cu khim fangin amah pumpui khiah hlu ai sualhnak khiah mam- lio in hnawmcan tuhin kumzangza ca in amah veve hlu zo i hang. 27Cen minungte in velkhat lek thi tuar tuhai ciaben fangin thukhanhnak tuar tuhin haih cia zo bangin “Khrih khai mi tampui sualhnak phur sah tuhin amah pumpui khiah hlu zo ai sualhnak hnawmcan tuhin i lo ai amah hleng tuh umm ngai ai iang tute ohnak pe tuhin a velnihhnak hleng leh tuh i lai.

<< HEBRU 9 >>

Leave a Reply

Your email address will not be published. Required fields are marked *