6Ciamanin a hampan ai kin zirhnak Khrih thute khiah hlumin uham bangin kin thinlung khang ruai nga sing. A hnempuifo naper man sirleh hnak le Pathian sanghnak le 2Tinimhnak thute le mi vumah kut dahhnak le a thite tholeh hnak thute le kumzangza thukhanhhak thute khiah a ham in panin sa leh hnelhno lo in sa awl nga sing. 3Pathian in kin siang lekhaw he khiah bawn tuh i sing. 4Ziangmanti fangin thinlung varhnak khai ngah zo ai vancung lehsawng le Ciang Rauhla khai co awng zo nqpui ai 5Pathian thupha le a hleng tuh lai san ai power te khai cang zo napui ai 6Thusang awl leh zel lekhaw amahte khiah a hmasa bangin sualsif ruai leh tuh thill lo i. Ziangmanti fangin amahte in Pathian: Fapa khiah thinglamteh vumah tar leh sal ai amah khiah zakthi kul in dah i. 7Ziangmanti fangin a van vumai siihnak ruahti khiah dut ai hangti hanghnah ca ai lovaitute ca tuhin a hnem- pui hangti le hanghnah po ruaitu laipua khiah Pathian hnenin hmuifii ngah i. 8Ekhalselai cia laipua in hling le maimaw lo lek po ruai lekhaw, cia laipua khiah ziang khai hnempui lo ai awrsia cam pha teng menma i ai mai ai tai tuh ian tang i hang.
9Ciatih bangin rel na pui ingkhaw, ithnakte, thil pha am am le nun ohnak thawn hlenghnak thilte khiah a ngaingai in ning ca ah um i ti khiah ling i ing. 10Ziangmanti fangin ningte in Amah hming ai mi canghlimte ning bawm awng ai tunin khai bawm betbo i si. Ciamanin ning naper le ning ithnak khiah Pathian in ning hai sah tuh hlai hlawr lo i. Ziangmanti fangin Pathian khiah ciatih tluk in a dikcang lo i lo i. 11Ningte in ning ummhnak khiah a dim in ning co thai in ning veksenin a tong tianin ciatih bangai zuamhnak nai tuh in kin daihhnak i. 12Ciafangin ningte khiah ngulsul in um tuh lo ai sanghnak le thin- sauhnak thawn a thukhamhnak co tu mite cungtute ning cang tuh i.
13Ziangmanti fangin Pathian in Abraham hnenah thukham pakhat kham fan gin amah hnak ai lian- sawn hming in thukham hmun tuh um lo man in amah veve hming in thu kham ai 14Thungai in hmuifu na bur tuh ai na zaai ruai tuh ing.” ti in ti i. 15Ciatih bangin Abraham in thinsau ngai thawn iang man in a thukham khiah ngah i. 16Minungte in amahte hnak ai upa sawn hming in thukham dun ai a hnuataber fang in thukhamh- nak thawn eldunhnak thu hmuahhmuah bo ruai i. l7Ciamanin Pathian in a tuumhnak khiah thleng thill lo i ti khiah thukham rocotu te in a ciang in ling bel daih manin thukham thawn kham dun i. 18Kin hmai ah dahhnak ummhnak khiah rinsan tuhin luathnak khua ah tlantu kinte in thahiam hnak lianngai khiah kin nai thai in thudon rel thill hrimhrim lo Pathian in a thleng leh thill lo hete thu panih thawn bawn i. 19Kinte in he ummhnak khiah kin rauhla ca ah timbaw com ruaihnak thirtum bangin a kho ngai le a rinsan tlak in nai i sing. Cia thirtum bang kin ummhnak khiah temple songai khaandan pon songah lut i. 20Ciata ah kin ca in kin hlanah Zisu lut zo i. Zisu khiah Melkhizedek dan bangin kumzangza phungki upa cang zo i.