1 Pathian khiah pawlpui te lakah ding i.
Amah in pathiante khiah thukhan sah i.
2 A hman lo in zaicam tian thukhan tuh i si?
Cen mi sualte khiah zaicam tian hmaison tuh i si? Selah
3 Mi farahte le paa nai lo te khiah khakber tu.
Rimsute le samhnak naite khiah a hmanin thukhan sah tuu-ih.
4 Mi farahte le samhnak naite khiah o tu.
Amahte khiah mi sualte kut songin suah tu.
5 Amahte in ling khai ling lo i.
Amahte in khuathim lakah vak i.
Laivum hampui khiah kho lo i.
6 Kaimah in, “Ningte khiah pathian i si.
Ning veksenin a Saangber Pa fate i si.
7 Ikhalselai minung bang in ning thi tuh i.
Mi bawite bang in ning tlu tuh i.” ti in ti ing.
8 Tho tu, aw Pathian.
Laivum khiah thukhan sah tu.
Ziangmanti fangin nangmah in mi phun
hmuahhmuah khiah co tuh i si.