1 Aw Pathian, na thuhman khiah kumpiBAWIPA hnenah pe tu.
Na dikcanghnak khai kumpiBAWIPA Fapa hnenah pe tu.
2 Amah in na minung khiah a hmanin thukhan sah tuh i.
Cen mi farahte khai thuhman thawn khan sah tuh i.
3 Mual vumte in mite hnenah remhnak kawih sah tuh i.
Tlang niu te in dikcanghnak kawih sah tuh i.
4 Amah in mite lakai farah te khiah a hman in thukhan sah tuh i.
Samhnak nai tute fate khiah amah in o tuh i.
Amahte nemh tute khiah seu tuh dek i.
5 Ni le hla bo hlan lo amahte in na kih tuh i.
San hmuahhmuah in na kih tuh i.
6 Amah khiah a at sa hampa vumah ruahsi bangin tlok tuh i.
Amah khiah laipua beh ruaitu ruahsar bang tuh i.
7 Amah um song hmuah in,
hla bo hlan lo dikcangte khiah zaai tuh i.
Remhnak khai um tuh bial i.
8 Amah in tipui khat lamin a khat lam tian uk tuh i.
Runpui ai panin laivum a tong tian uk tuh i.
9 Nelrawn songai um tute in amah hmai ah ut tuh i.
A raalte in laivut khiah liak tuh i.
10 Tarshish le tikulh ai kumpibawite in Lehsawng kawih tuh i.
Sheba le Seba kumpibawite in khai Lehsawng kawih tuh i.
11 I. A hmai ah kumpibawi veksenin bia tuh i.
Mi phun hmuahhmuah in a na per sah tuh i.
12 Ziangmanti fangin a samhnak nai tu pa in kap fangin, amah in o tuh i.
Mi farahte le bawmtu nai lote khai o tuh i.
13 Mi farahte le a samhnak nai te khiah ninghio tuhai,
Samhnak naite rauhla khiah o tuh i.
14 Amahte nunhnak khiah mite ai rimhnak le tihhrimhnak songin luangtlan sah tuh i.
A hmai ah amahte thi khiah man khung ngai i.
15 Amah khiah nung tuh i.
Sheba sui khiah amah hnenah pe tuh i.
Amah ca in a catlo in sawngen sah tuh i.
Nisiar in amah khiah cuan tuh i.
16 Laivum ah rong tamngai po tuh i.
Mual vumah zan tlung tuh i.
Lebanon bangin a thaite khai zan tu seh.
Khua songai umtu te khai laivum ai hampa bangin zaai tu seh.
17 A hming khiah kumzangza in um tuh ngio i.
Ni bo hlan lo a hming khiah taang tuh ngio i.
Amah songin mite khiah hmuifu bur tuh i.
Mi phun hmuahhmuah in amah khiah hmuifu i,
ti in ko tuh i.
18 Israel mite Pathian, BAWIPA Pathian khiah hmuifu tu seh.
Amah in ngaihsun urkul lek bawn i.
19 A hming khiah kumzangza in thang tuh seh.
Laivum hmuahhmuah khiah a thangphathnak thawn dim tu seh.
Amen le Amen.
20 Jesse fapa David sawngenhnak bo i hang.