1 BAWIPA khiah an tuu-ih.
A hming khiah ko tuu-ih
A bawnhnak khiah mite lakah ling ruai tuu-ih.
2 Amah hnenah lasa tu.
Amah hnenah psalm sa tu.
Amah ai bawnhnak ngaihsun urkul khiah a veksenin rel tu.
3 A cianghlim amah hming khiah thangphat tuu-ih.
BAWIPA sii tute thinlung khiah ang tu seh.
4 BAWIPA le BAWIPA tha khiah sii tuu -ih.
A hmai khiah a zomzet in sii tuu-ih.
5 A ngaihsun urkul ngai a bawnhnak khiah hih tuu-ih.
A ngaihsun urkul a kaa ai thukhanhnakte khiah hih tuu-ih.
6 A hnenum Abraham cii te,
A rilhnak Zakuk fate,
ningte in hih tuu-ih.
7 Amah khiah kin BAWIPA Pathian i.
A thukhanhnak khiah laivum pumpalah ah um i.
8 San thawngkhat hnenah a ruaihnak lingdunhnak a thukham khiah amah in kumzangza in hih i.
9 Cia thukham khiah Abraham hnenah bawn ai,
Aizek hnenah cukcam i.
10 Zakuk hnenah dan upadi in pe i.
Israel hnenah kumzangza thukham tuhin,
11 “Na hnenah he Khanaan ram khiah,
Na co tuh ro in na pe tuh ing.” ti in amahte khiah minung tlawmniu lek ai zolo ah cia ram ah mi dangte khai lo um napui ai, lo rel i.
13 Amahte khiah mi phun pakhat hnua pakhat hnenah le
Kumpibawi ram pakhat in a dang mite hnenah khualsi teng fangin,
14 Amah in amahte khiah aisu in khai tok siang lo i.
Amahte ca in kumpibawite khiah hau i.
15 Amah in, “I rilhnak te khiah i tok sah mah ih.
I prawfette khai ur ruai mah ih.” ti in rel i.
16 Ciazolo ah cia ram songah rian tlung ruai i.
Amah in amahte rong khiah hnawm sah berh i.
17 Amahte hmai ah Joseph tihnak mi pakhat khiah kuat i.
Amah khiah sal cang tuhin zuar i.
18 A ke khiah thirri thawn pen ai a hawng ah thirtum orh i.
19 Amah in a hlanvom ai relciahnak bang in khim ai,
BAWIPA relhnak thu in amah relhnak khiah a hman peu i ti in lar ruai i.
20 KumpiBAWIPA in amah khiah hlat ruai i.
Mi-uk tu pa in amah khiah luat ruai i.
21 Joseph khiah a inn uk tu in hmang i.
A naihhnak hmuah uk tu in dah i.
22 Cen a nuam bangin a bawite khai thu cuk ruai ai
Amah hnak ai kum upate khai fimhank zirh ruai i.
23 Israel khai Izrip ram ah kawi ai
Zakuk khai Ham ramah khuato i.
24 Pathian in a minungte khiah a tamngai in zaai ruai ai amahte raal tah in thahat ruai i.
25 Amahte a minungte khiah hua tuhin amahte thinlung khiah thleng sah i.
Ciamanin amahte in a hnenumte khiah rimh tuhin thusawm tlang i.
26 Pathian in a hnenum Moses le Amah ai rilhnak Aaron khiah hlat i.
27 Amahte in Pathian hnikhnaihhnak khiah amahte lakah bawn i.
Ngaihsun urkul tamngai khiah Ham ramah bawn i.
28 Amah in khuathim khiah hleng ruai ai khuathim i.
Amahte in Pathian thu khiah el lo i.
29 Amah in amahte ti khiah thi ah cang ruai ai,
Amahte nga khiah rek sah i.
30 Amahte ramah sumphurh khiah hleng bial ai,
Kumpibawite inn song tian in um i.
31 Amah relhnak bangin thothi khiah hleng bial i.
Cen khahhu khai amahte ram veksen ah hleng i.
32 Amahte khiah ruah ca in rial tla ruai i.
Amahte ram pumpalah ah tlektla ruai i.
33 Amahte capit kung le amahte thei thing khai hnawm sah i.
Amahte ram ai thingkungte khai ek sah sio i.
34 Amah in pong ai, khokhuak te hleng i.
Khokhuak siar cawklo in hleng i.
35 Cia khokhuak in amahte ram ai hnuhhing hmuah ei berh i.
Cen amahte laipua ai thingthai khai ei sah sio i.
36 Amah in amahte ram ai a te hmasaber fa khai rek sah i.
Cia fate khiah amahte a tha panhnak i.
37 Amah in Israel mite khiah sui le tangka thawn suak ruai i.
Israel mi phun songah a ze diam khai um lo i.
38 Amahte thawn fangin Izip mite khai ang i.
Ziangmanti fangin amahte in Israel mite khiah kih ngai i.
39 Amahte khuk tuhin mairo khiah kaai ruai i.
Zan fangin khuavar tuhin mai pe i.
40 Mite in ngen ai, amahte khiah seklah pe i.
Vancung ai sangreu thawn amahte khiah kham ruai i.
41 Amah in lungpui khiah hong ai, ti suak bial i.
Lai ro hmun ah runti bang in luang i.
42 Ziangmanti fangin amah in a cianghlim a thukham khiah hih i.
A hnenum Abraham khai hih i.
43 Amah in a minungte khiah anghnak thawn suah i.
Amah ai rilhnak mite khiah anghnak thawn suah i.
44 Amahte khiah amah in Zental te ram pe i.
Amahte in mi dangte ai perhnak thil khiah co sah i.
45 Cia khiah amahte in Pathian thukham le upadi dan khiah hlun tuh manin pe i.
BAWIPA khiah cuan tu.