1 Fimhnak in a inn sa ai
Khuam pasarih solh i.
2 Amah in sa te khiah ro zo ai
A capittizu te khai rawih zo i.
3 A hnenum nupangte khai hlat zo i.
Amah in khua songai a saang hmun ber in au i.
4 “A voi tu hmuah in heta ah kawi tuu-ih.” ti in au i.
Linghnak nai lo te hnenah amah in,
5 “Kawi tulai, i rong i ei sah tuu-ih.
Cen i rawihhnak capittizu khai i ding sah tuu-ih.
6 Voihnak khiah zam tu i lai, nung tuu-ih.
Ling thiamhnak lampui ah vak tuu-ih.
7 Thu sang lo tu pa tiam tu in zauhsuam hnak tuar tuh i.
Mi pha lo hautu pa in urhnak ngah tuh i.
8 Pathian sang lo tu pa khiah hau mah.
Na hua mawh ngai.
Mifim pa khiah hau tulai, na it tuh i.
9 Mifim pa khiah cuk tulai, fim tuh amam i.
Mi dikcang pa khiah zirh tulai,
tam amam in zir tuh i.
10 Bawipa kih hnak khiah fimhnak hampanhnak i.
A Cianghlim Pa linghnak khiah fimhnak i.
11 Ziangmanti fangin kaimah in na kum khiah
zaai ruai tuh ing.
Na nunhnak kum khiah na belh sah tuh ing.
12 Na fim lekhaw nangmah ca lek in na fim i.
Mi khiah zauhsuam lesikhaw, nangmah lek
in tuar tuh i si.” ti in ti i.
13 Mi voi nupui khiah a pong tam i.
Amah khiah mivoi manin zaikhai ling lo i.
14 Amah in a dawngkham hiang ah le
Khua laiteng ai a saangber hmun ah
15 A hiang ai a khel tu te le
Amahte hlan lam a cang ai vak tu te hnenah,
16 “Mivoi te hmuah, heta ah lut tuu-ih.” ti in ko i.
Linghnak nai lo tu pa hnenah, amah in,
17 “A ru hnak ti khiah hluum ngai i.
Thupruk ai eihnak rong khiah ur ngai i.” ti in ti i.
18 Ikhalselai a thi te khiah ciata ah um i.
Cen a sualeng tute khiah hell songah
um i ti khiah amah in ling lo i.