1 Sual tuhin thu ruat hnelhno te le
Khuahluan vumin a pha lo bawn hnelhno
te khiah rimsu tu seh.
Khuavar fangin amahte in per tekto i.
Ziangmanti fangin amahte in perhnak tuh tha nai i.
2 Mite lo khiah ot sah ai,
a khengkhebel in lang sah i.
Mite inn khai ot sah ai, ping sah i.
Ciatihin amahte in mi pa le a inn khiah long sah i.
Mi pa le a ro khiah sut sah i.
3 Ciamanin BAWIPA in,
“He mite ca in a pha lo bawn tuhin ruat sah ing.
Cia a pha lo songin ning luat tuh lo i.
Cen a hngal in khai vak tuh lo i si.
Ziangmanti fangin he khiah a siava tikcu i.
4 Cia nia ah mite in ning sawi tuh i.
Amahte in, “A vuva in kin hnawm sio i.
Amah in i minungte ro khiah thleng lio i.
Cia ro khiah i hmun in i lang sah i.
Kin lo te khiah kin raalte bawmtu te
hnenah kin zem sah i.’ti in
he mithi kahhnak la thawn ning im tuh i.”ti i.
5 Ciamanin BAWIPA pawlpui songah ning
ram ning khan sah tu tuh um tuh lo i.
6 Amahte prawfet te in, “Prawofet thu rel mah.”
He prawfet thu te khiah rel mah.
Hmai kin sia tuh i.”ti in ti i.
7 Aw Zakuk fate,
“BAWIPA Ciang Rauhla khiah thinraw im?
Ciabang khiah amah in bawn awm?”ti in ti tuh im?
A dikcang ai nung tu hnenah
i thu in phathnak bawn lo im?
8 I minungte in raalte bang in tho i.
Raal hmun in tlung tu mi te bangin,
Ning sang manin ning khel tu mite
sil hnak thilthuam khiah hawk sah lio i si.
9 I minungte song ai nupui te khiah
A mawi ngai amahte inn in hnawt i si.
Amahte fate hnenin
I thangphathnak khiah kumzangza in sut lio i si.
10 Tho in feh tuu-ih.
He khiah ning comhmun i lo i.
Ziangmanti fangin a riim i.
Ning hnawmcan tuh i.
A vuva in ning hnawmcan tuh i.
11 Thudon le mizawl tu pa khiah kawi in,
“’Capittizu le zu tam ngai um tuh i.”
ti in prawfet thu rel selai,
Cia prawfet khiah he mite ca in pha thiah tuh i.
12 “Aw Zakuk, ning veksen in ning khawm tuh ing.
Israel mi a taanghnak te khiah hmunkhat in kawih leh tuh ing.
Tu rual khum hmun ai tu bang in le
hampa vum ai tu ruun te bangin
amahte khiah hmunkhat in kawih leh tuh ing.
Cia hmun khiah minung thawn dim tuh i.
13 Ek lio in hong tu pa in amahte hmai in feh tuh i.
Ciafangin anite khai suak tuh ruai ai,
kawldawngkham songin khel tuh ai sumpua ah suak tuh i.
Amahte kumpibawipa in amahte hmai in feh tuh i.
BAWIPA in amahte hmai in konghoi tuh i.