Job 38

<<  JOB 38  >>

1  Ciafangin Bawipa in Job khiah khuahu songin sawn ai,

2  “Fimhnak nai lo ai thu i sawntu khiah aisu i pa?

3  Pasalpui bangin ralring tu.
Thu na zawt ngangkhaw i sawn tuh i si.

4 Laivum sahmun tuh a ham i pai fangin akonah i si?
Ling le si i rel tu.
Aisu in laivum khiah teh pa?
Ling hlaihlawr tuh i si.
Aisu in ri thawn laivum khiah a laiteng in teh pa?

6  Laipua ham khiah a konah pen pa?
Cen a innning lungto tang aisu in a hmasaber dah pa?

7  Ciafangin vartin arsite in hmunkhat in lasa tlang ai,
Pathian fapate veksenin a ang in au tlang i.

8  Cen tipui tang sul songin nau suak bangin suak fangin,
aisu in dawngkham thawn kham i?

9  Cia tipui khiah kaimah in mairo thawn khuk ai
khuathim thawn fun ing.

10 Tipui ca in a varkam bawt sah ai
a dawngkhamte khai kalh sah ing.

11 ‘Hetah hlaa in luang tuh lo ai
he tian lek luang tuh i si.
Na tihual khiah heta ah com tuh i.’ ti in rel ing.

12 Cen na nun songah zingniu suak ruai ben aw sim?

13 Zingtla in laipua khiah pom in laivum ai
misualte khiah amahte relh hmunin thing tuhin ruai zo aw sim?

14 Laivum khiah tacik khethnak laisawr bang in lar ai,
thilthuam bangin lin vurvo i.

15 Khuavar khiah mi sualte ca ah tleu ze ai
amahte in a pha lo bawn tuhin kham ngio i.

16 Tipui songai cirhti songah lut awng aw sim?
Tipui a thuk sii in tang vak awng aw sim?

17 Thihhnak dawngkham tang na hmuh awng i hang im?
Thihhnak hlaa dawngkham tang hmu awng aw sim?

18 Laipua khiah a kaulam zaicam i ti tang ling aw sim?
Ling liang lesikhaw, i rel tu.

19 Khuavar umhmun lampui tang akonah i?
Cen khuathim tang akonah um pa?

20 Amahte umhmun ah kawi ben tur sim?
Amahte umhmun kong tang ling aw sim?

21 Ciafangin na te manin ling i sim? maw
Kum na tar manin ling i si?

22 Vurte khawihmun songah lut awng aw sim?
Rial khawihmun tang hmu awng aw sim?

23 Ciate khiah rimsu harsa nia le
raaltawng nia ca ai khawi ing.

24 Khuavar zaihhmun lampui khiah kon lampui i?
Cen laipua vumai zaihhnak nisuak hmun lamai
hlivua umhmun tang akonah i?

25 Aisu in ruahti hor zu hmun tuh co i?
Aisu in tlektla hmun lampui sat sah i?

26 Cia ruahti in minung um lo hmun ram khiah tiburh ai,
minung um lo hmun nelrawn khiah tiburh i.

27 Zai po lo hmun laipua ah hampa hing niu po ruai i.

28 Ruah in paa nai awm?
     Naidawh tang aisu songin te pa?

29 Aisu pum songin tikhaal khiah suak pa?
Van ai naidawh tang aisu song in te pa?

30 Ti khiah lungto bangin khal i.
Tipui vum khai khal i.

31 Pleiades arsite khiah pen tur sim?
Orion elpen tang hawk sah ben tur sim?

32 Arsite khiah a cu bangin suak ruai ben tur sim?
Vom Pui le vom niu arsite tang konghoi thiam tur sim?
Amahte in laivum khiah uk ruai ben tur sim?

33 Vancungte upadi dan tang ling aw sim?
Pathian ukhnak khiah laivum ah hleng ruai ben aw sim?

34 Na vumah ruah tamngai sii tuhin
mairo te hnenah au thill aw sim?

35 Tlek tla ruai thill aw sim?
Amahte in, “Tla nga ing.”ti in na sawn awm?

36 Aisu in mi thin songah fimhnak dah i?
Aisu in lingthiamhnak khiah mi lung songah pe i?

37 Aisu in amahte fimhnak in mairo khiah siar ben i?
Aisu in van ai ti palangte khiah bung ben i?
Ciafangin ruah in laivut khiah beh ruai ai
laisawr khiah hmunkhat in kop i.

39 Chintitte khiah amahte kua ah bual le
amahte in sazul ai sabawh fangin,

40 Chintit ca in sazul sah thill aw sim?
Chintit fate khiah rongkham ben aw sim?

41 Langaak fate khiah Pathian hnenah kap fangin,
a puite in rikam manin rong sii fangin
aisu in amahte khiah rong pe pa?

<<  JOB 38  >>