1 Zaimanin a Cungnung Pathian in thukhan nia tikcute khiah larruai lo i?
Zaimanin amah lingtu mite in Pathiam thukhan nia khiah zongkul hnelhno i?
2 Mi hrekkhat in ramri tekhnak lungto khiah thawn sah i.
Mi tu le me te khiah a hnawraw in long sah ai ei sah i.
3 Paa nailo te lak khiah hnawt sah i.
Hmaitong te kawlpaw cang khiah aa-mah khanhnak tuhin lang sah i.
4 Amahte in mi farahte khiah lam hiang ah hnawt i.
Ciamanin ram songai mi farahte in a thup in um hnelhno i.
5 Nelrawn songai hampalak ai lakte bangin,
amahte in a kungniu in rong sii tuh in na per i.
Nelrawn songah amahte le a fate in rong ei tuh tawk i.
6 Amahte hampa khiah lo songin khawm ai,
mi sualte vuandum ah a vaalhnak capitti khiah loih i.
7 Zan fangin pon sil tuh nai lo manin kawngkolh in it i.
Khuasik fangin khai sil tuh pon nai lo i.
8 Mualtlang ai ruah in amahte khiah si ai lungsir pui hiang ah buanhmun lek nai i.
9 Mi hrekkhatte in paa nai lote khiah hnawifawp lakin thiar i.
Mi farahte hnenin a fate khiah bat rulhnak tuhin lang sah i.
10 Mi farahte khiah pon sil lo in kawngkolh in vak i.
Amahte in rong tel khiah phur napui ai rikaam pah ngio i.
11 Amahte in oliv thau khiah rial i.
Capitti cet khiah rial napui ai amahte khiah tihaal i.
12 Khua songah a thi riaro te in huk liang lo i.
A urtute rauhla in au muah mo i.
Ikhalselai amahte khiah Pathian in mawhhluk lo i.
13 Cen mi hrekkhat in khuavar tawng tu khai um
Amahte in a lampui khai ling lo i.
Cen a lamkhung ah khai um lo i.
14 Mirektu in khuavar fangin tho ai,
mi farah le samhnak naite khiah rek i.
Amah khiah zan fangin ruko pa bang i.
15 Nu le pa sual bawntu pa in khuathim khiah iang ai,
“Aisu in khai i hmu tuh lo i.” ti in ti ai a hmai khiah hup i.
16 Khuavar lai ai amahte in culciahnak innte khiah khuathim fangin rok i.
Amahte in khuavar khiah ling lo i.
17 Ziangmanti fangin anite lakah zinglam khiah thihhnak hlaa thawn bang i.
Amahte khiah mite in ling lio lekhaw,
amahte khiah thihhnak hlaa songah laukul ngai
18 Amahte khiah ti vumah cak tuh ngai i.
Laivum ai amahte naihhnak khiah awrsia in cam sah pha i.
Ciafangin aisu in khai amahte capit vuandum ah lut tuh lo i.
19 Khaal le ni saa in vur ti khiah kaang ruai bangin,
a sualtute khai hlankua in bo ruai tuh i.
20 Amah khiah a nuu pum in hai tu lio seh.
Amah khiah pangang in ei tu sek seh.
Misualte khiah aisu in khai hih leh tuh lo ai thingkung bangin ek tu lio i.
21 Fatong fa nai thill lote khiah rok ai hmaitongte khiah ninghio lo i.
22 Ikhalselai Pathian miliante khiah a huthawm thawn duk teu i.
Amahte khiah a kho ngai in um napui ai,
amahte nunhnak khiah kho lo i.
23 Amah in amahte khiah thinnuamhnak pe ai amahte in cia khiah rinsan i.
Ikhalselai amah in amahte nundan khiah cul i.
24 Amahte khiah campuikhat do rih napui ai amahte khiah pai lio i.
Amahte khiah niam ruai i.
Amahte khiah mi dangte bangin khawm berh
Rong kung bangin amahte khiah ro lio i.
25 He khiah i peu hlahlekhaw,
aisu in thudon reltu ti in i ti ngam i si?
Aisu in i ponghnak khiah a lovang i ti in ti ngam tuh i si?” ti in sawn i.