1khiah Ashdod ah feh ruai ai Tartan in Ashdod khiah tawng ai neh lio i. 2Cia kumah Bawipa in Amoz fapa Isaiah hnenah, “Feh tulai, na silhnakna vaidip khiah hawk tu. Cen na kezep khai na ke in hawk tu.”ti in rel i. Ciafangin Isaiah in khai a relhnak bangin bawn i. 3Ciafangin Bawipa in Isaiah hnenah, “I hnenum Isaiah in Izip le Ethiopia ca in ngaihsun urkul hnikhnaihnak tuhin kawngkolh le kezedp dawl lo in kum thum song vak bangin, 4Assiria kumpibawi pa in khai Izip le Ethiopia mite a no le a tar, kawngkolh le kezep dawl lo in pom tuh ai Izip mite zakthi ruai tuhin amahte tun khai kawngkolh ruai tuh i. 5Ciafangin Ethiopia rinsan tute le Izip mite zarto hnelhno tute khiah lau in zakthi tuh i. 6Cia nia ah he ramai umtute in, “Kin rinsan hnak te le Assiria kumpibawi hnenin kin o tuh le kin bawm tuhin kin benhnak mite hnenah canghnak khiah sik tu hang ih. Ciamanin akontih in kin luat thill tuh i?”ti in rel tuh i.