Hosea 12

<<  HOSEA 12  >>

1  Efraim in hlivua khiah ei i.
Ziatlam ai hli khiah hnawh i.
Nisiar in a tam amam in thudon rel ai,
a tam amam in tawng dun i.
Assiria mite thawn khai thukham dun i.
Izip ramah thau te phurh i.

2  BAWIPA in Judah khai tazacuai i.
A sual hnak bangin Zakuk khai cawh tuh i.
A perhnak bang in amah in tham tuh i.

3  Zakuk in a u ke khiah a nuu pum songah pom ai,
Pathian thawn khai tawng i.

4  Amah in Vancung mi thawn tawng dun ai,
vancung mi khiah neh i.
Ani khai kap ai amah hnenin lehsawng ngen i.
Zakuk in amah khiah Bethel ah tawk i.
Ciata ah amah in kin pon i.

5  Amah khiah vancung mite BAWIPA Pathian i.
A hming khiah BAWIPA i.

6  Na Pathian bawmhnak in nangmah khiah let leh i si.
Ngaihharhnak le thuhman khiah hlun tu.
Na Pathian na khiah a cat lo in per tu.

7  Khannan mi khiah mi hrokhrawl i.
A kut ah a hman lo cuai te sin i.
Amah in mi zawl hiam i.

8  Efraim in, “I lian rauh i.
Thilri tam ngai nai ing.
I per hnak veksen lakah aisu in khai
sual hnak tawk tuh lo i.”ti in rel i.

9  Izip ramai panin kaimah khiah BAWIPA na Pathian ing.
A dan bang in puai bawn awng bang in,
buk songah ning um ruai leh tuh ing.

10 Prawfet te song in thu rel zo ing.
Mithla in khai tam ngai hmuh zo ing.
Prawfet te songin santehhnak tam ngai pe zo ing.

11 Kilead in milim zuk nai khalkhaw,
cia milim zuk te khiah a lovang i.
Amahte in Kilkal ah kawlpaw cang hlu khalselai,
Amahte awlta cabuai khiah a vaihnak lo
songah pumhnak lungto te cang tuh i.

12 Zakuk khai Siria ram ah tlan i.
Israel in a nu khiah naper in hlawh i.
A nu tuh man in tu khal i.

13 Prawfet pakhat thawn BAWIPA in Israel
khiah Izip ram in suah i.
Prawfet pakhat thawn amah khiah him ruai i.

14 Efraim in BAWIPA khiah thinraw ruai rauh i.
Ciamanin BAWIPA in amah ai
thi luang ruai hnak khiah a sual hlat sah tuh lo i.
A puarthauhnak bangin amah khiah rul leh tuh i.

<<  HOSEA 12  >>