Moses tehnak thu
1Ciafangin Levi phun songai mi pakhat in Levi phun songai fenu pakhat khiah nu i. 2Cia nuu in naupaai ai pasal niu in nai i. Cia fapa khiah hmel mawi ngai manin a nuu in hla thum song thup i. 3Ikhalselai thup thill nawn lo fangin phaikung thingkuang niu khiah sa le saibuan thawn o fangin phaikung thingkuang niu khiah sa le saibuan thawn mat ben fangin a fapa khiah cia thingkuang songah hlim ai Nile runti varkam ai hamphung kualakah lan ruai i. 4Cia nau niu farnu in ziang cang na ngai maw ti hmu tuhin a hla thah in cul i.
5Ciafangin Pharaoh fenu khai Nile runti ah takhlu tuhin a hnenum nupang te kawmin varkam in vak le cia ham phung lakah thingkuang niu hmu fangin a hnenum khiah cia thingkuang khul ruai i. 6Cia thingkuang khiah hong fangin nau niu hmu ai nau niu khai kap i. Ciafangin cia nuu in nau niu khiah ninghio ai, “He nau heh Hebru te fa i.” ti in ti i. 7Ciafangin nau farnu in Pharaoh fenu hnenah, “Nangmah ca in he nau hnawi tul sah tuhin Hebru nupui na ko sah ngang.”ti in ti i. 8Ciafangin Pharaoh fenu in, “Feh tu.”ti in ruai i. Ciafangin cia nuu khai feh ai cia nau nuu khiah ko i. 9Ciafangin Pharaoh fenu in cia nuu hnenah, “He nau niu lang tulai hnawi i tul sah tulai na tham tuh ing.”ti in ruai i. Ciafangin cia nuu in nau niu khiah lang ai hnawl tul i. 10Nau niu khai khang fangin Pharaoh fenu hnenah kawih ai Pharaoh fenu ai fapa cang i. a hming khiah Moses ti in bawn i. “Ziangmanti fangin amah khiah ti song in dukhnak i.”ti in ti i. 11Moses khai khai khaang fangin a unaute hnenah leng le amahte in kuli naperhnak khiah hmu sah i. Ciafangin Izip mi pakhat in a unau Hebru mi pakhat vit hmu i. 12Ciafangin Moses in he lam le khialam khiah sik ai aisu khai hmu lo fangin, Izip pa khiah re kai runsiar songah thup i. 13Ani khai a thangha fangin kawi leh thio ai Hebru mite panih tawngdun dekdo hmu fangin, a sualtu pa hnenah, “Ziangmanin na unaupui vit is si? Ti in ti i. 14Ciafangin cia pa in, “Aisu in kin bawi le kin thukhan sah tu tuhin na dah i? Izip pa na rek bangin i rek tum i sim?”ti in sawn i. Ciafangin Moses khai lai ai hetu mite in ling lio i lo im? “ ti in ti i. 15Pharoah in cia thu khiah za fangin, Moses rek tuh in si i. Ciamanin Moses khai Midian ramah tlan ai namkum hiang ah to i.
16Ciata ah Midian phungki pakhat lo um ai fenu pasarih lo nai i. Cia fenute khai a paa tuute titul tuhin ticawi ai tikuang songah bung i. 17Ciafangin a dang tuukhalte khai hleng ai, cia fenute khiah hnawt tlaang i. Ikhalselai Moses khai tho ai cia fenute khiah bawm ai tuute 21khiah titul sah i. 18Anite khai a paa Reuel hnenah hleng fangin a paa in, “Zaimanin khuahma ngai in tlung ngah i si?ti in zawt i. 19Amahte in, “Izip pa in tuukhalte kut songin kin bawm ai ti kin cawi sah ai kin tuute khai ti kin tul sah i.”i ti in rel i. 20Ciafangin a paa in, “Cia pa tu a konah i pa? Ziangmanin hlum lio i si? Heta ah rongei tuhin ko tuu-ih.”ti in ruai i. Moses khai cia pa hnenah um ai cia paa in a fenu Zipporah a nu tuhin pe i. 22Ainte khai pasal niu in fa nai ai a hming khiah Moses in Kershom ti in sa i. Ziangmantifang, “Kaimah khiah mi ramdang ah mikhual ing.” ti in ti i. 23Ciafangin Izip kumpibawipa thi i. Israel mite khai a rimsu ze manin kap ai amahte kaphnak khiah Pathian in za sah i. 24Pathian in amahte kaphnk khiah za sah ai, Abraham le Aizek le Zakuk hnenah a thukamhnak khiah hih i. 25Pathian in Israel mite khiah sik ai amahte khiah ninghio i.