Moses in kaphaahnak sii i
1Ciafangin Moses in, “Inapuikhaw amahte in i sang khai i sang tuh lo i. Cen i thu khai i ngai sah tuh lo i. Cen amahte in, ‘Bawipa khai na hnenah dak lo i.’ ti in i ti tuh i.” ti in sawn i. 2Ciafangin Bawipa in, “Na kut ah zai nai i si?” ti in zawt i. Moses in, “Tokrolh nai ing.” ti in sawn i. 3Ciafang in Bawipa in, “Na tokrolh khiah laipua ah lon tu.” ti in ti i. Moses in a tokrolh lon fangin a tokrolh khiah rul cang le Moses khai rul hmunin tlan i. 4Ciafangin Bawipa in, “Rul khiah a mai in pom tu.” ti in ruai ai ani khai rul khiah a mai in pom ai tokrolh ah cang leh i. 5“Ciafangin amahte in a pupaate Pathian le Abraham Pathian le Aizek Pathian le Zakuk Pathian khiah na hnenah dak peu khiah sang tuh i.” ti in rel i. 6Ciahlai ah Bawipa in, “Tunin na kut khiah na kaang songah dah tu.” ti in ruai ai a kut khiah a kaang songah dah fangin a kut suah leh fangin vur bang in phar lio i. 7Ciafang in Bawipa in, “Na kut khiah na kaang songah dah leh tu thio.” ti in ruai ai a kut khiah a kaang songah dah leh thio fangin a taksa dang bangin cang leh lio i. 8“Cen amahte in na sang hlahlekhaw, cen a hmasa hnikhnaihhnak thu khai sang hlahlekhaw a panihhnak hnikhnaihhnak thu sang tuh i. 9Cen amahte in he hnikhnaihhnak panih khai sang lo in le na thu khai sang hlahlekhaw, Nal runti khiah lairo vumah burh tu. Cia na langhnak runti khiah lairo vumah thi cang tuh i.” ti in rel i.
10Ciafangin Moses in Bawipa hnenah, “Aw i Bawipa, pong thiam lo ing. He hlanah i tu seh, cen tunin nang in na hnenum hnenah pong khelleh in khai pong thiam cuang lo ing. Kaimah khiah pon fung ka fung ing.” ti in rel i. 11Ciafangin Bawipa in, “Minung kaa tu aisu in bawn i? Cen nangong te le pong thill lo te le khuahmu te le khuahmu lote heh aisu ai bawnhnak i? Kaimah Bawipa in bawnhnak i lo im? 12Ciamanin feh tulai kaimah khiah na kaa thawn um tuh ing. Na pong tuhhnak na cuk tuh ing.” ti in rel i. 13Ikhalselai Moses in, “Aw i Bawipa, mi dang sawn hlat tu.” ti in el i. 14Ciafangin Bawipa khai Moses lakah thinraw ai, “Levi mi Aaron khiah na u i lo im? Amah in pong thiam i ti khiah ling ing. Cen tunin khai na tawk tuhin kawi zo i. Na hmu fangin ang tuh ngai i. 15Nangmah in amah ai pong tuhhnak rel tuh i si. Kaimah khiah na kaa le Aaron kaa thawn um tuh ai, ning bawn tuhhnak ning cuk tuh ing. 16Amah khiah mite hnenah na pon sah tu i tuh i. Amah khiah na kaa cang tuhai nangmah khiah a Pathian bang i tuh i si. 17Cen he tokrolh khiah keng tulai cia thawn hnikhnaihhnak te bawn tuh i si.”ti in rel i.
18Ciafangin Moses in a nu ai paa Jethro hnenah tlung ai Jethro hnenah, “I unaute nung na lai maw ti sik tuhin Izip ramah feh tuhin i hlat tu.”ti in ngen i. Ciafangin Jethro in, “Thin nuam niu in feh tu.”ti in rel i. 19Ciafangin Bawipa in Moses khiah Midian ramah, “Izip ramah let tu. Na rek nuamtu te khiah thi sio i hang.”ti in rel i. 20Ciamanin Moses khai a nu le a fate khiah lang ai lak vumah tauh ai Izip ramah letleh i. Cen Moses in Pathian tokrolh khiah a kut in sin i. Ciafangin Bawipa in Moses hnenah, “Izip ramah na letleh fangin he na kut songah i haihhnak ngaihsunurkulte khiah a veksenin Pharaoh hmai ah bawn tu. Ikhalselai amah khiah thinruh ruai tuh ing. Ciamanin Israel mite khiah hlat siang tuh lo i. 22Ciafangin Pharaoh hnenah, “Bawipa in hetih bangin rel i: ‘Israel khiah i fa upaber i fapa i. 23Ciamanin na rel ing. Na i per sah tuhin i fapa hlat tu. Cen hlat siang hlahlesikhaw na fapa upaber na rek sah tuh ing.’ ti in rel tu.”ti in rel i.
24Lamlak khualbuk ah cam teng fangin Bawipa in Moses khiah tawk ai rek tum i. 25Ciafangin Zipporah in lungto san ngai lang ai a fapa vunpar khiah cem sah ai Moses ke lamah sep ai, “A ngaingai in nangmah khiah thisan luang ruaitu i pa i si.”ti in ti i. 26Ciamanin amah khiah luat ruai i. Ciafangin Zipporah in vunpar cem manin thisan luang ruaitu i pa, ti in ti i.
27Ciafangin Bawipa in Aaron hnen ah, “Moses tawk tuhin hampalak ah feh tu.”ti in ruai ai ani khai feh le Pathian mual vumah Moses khiah tawk ai thut i. 28Ciafangin Moses in Aaron khiah a hlattu Pathian ai relhnak thu hmuah le Pathian ai bawn ruaihnak hnikhnaihhnak te khiah a veksenin rel i. 29Ciafangin Moses le Aaron khai feh ai Israel mi upate khiah a veksenin hmunkhat in khawm ruai i. 30Ciafangin Aaron in amahte hnenah, Bawipa Pathian in Moses hnenah relhnak thu khiah a veksenin rel ai ciate hmai ah hnikhnaih hnakte bawn i. 31Ciafangin ciate in sang i. Bawipa in Israel mite fan ai amahte rimsuhnak khiah sik sah i ti za fangin anite khai a lu ut in Pathian bia i.