1 Samuel 15

<<  1 SAMUEL 15  >>

1Ciafangin Samuel in Saul hnenah, “Bawipa in nangmah khiah a minung Israel mite vumah kumpibawi cang tuhin na ril tuhin i hlat i. Ciamanin Bawipa relhnak thu khiah ngai tu. 2Vancung mite Bawipa in, ‘Amalek mite khiah amahte in Israel mite khiah Izip ramin suak fangin bawh awng manin cawh tuh ing. 3Ciamanin Amalek te khiah taih tulai amahte naihhnak a veksenin  zah  lo in rek tu sio. Pasal, nupang, naupang le hnawifawp lai nausen te le kawlpaw le tu le kala-uk le lak kawmin a  veksenin rek tu sio.’ ti in ti i.” ti in rel i. 4Ciamanin Saul in Israel mite khai hmunkhat in khawm ai Telaim ah a pum siar ai raalkap thawng zanih le Judah mite thawng ha um i. 5Saul khai Amalek te khua ah hleng ai rawn zawllai hmunin bawh i.

6Ciafangin Saul in Ken mite hnenah, “Amalek mite hnenin suak tuu-ih. Cialo fangin ning rek ngah mawh ngang. Ziangmanti fangin Israel mite khiah Izip ramin suak fangin ninghio awng i si.” ti in rel i. Ciamanin Ken mite khai Amalek mite hmunin tlan i. 7Ciafangin Saul in Amalek te khiah Havilah ai panin Izip in ni suak hmunlam ai Shur tian in tawng i. 8Ciafangin Amalek te kumpibawi Akak khiah a nung in pom ai cialo mi dangte tu a veksenin vangsau thawn rek sio i. 10Ikhalselai Saul le Israel mite in Akak le tu le kawlpawte a phaber le a thauberte le tufa a pha te khiah zah ai rek sio lo i. Ikhalselai a hnawm le a pha lo hmuah tu a veksenin rek sio i.

10Ciafangin Bawipa thu khiah Samuel hnenah hleng ai, 11“Saul khiah kumpibawi ai bawn ngian khiah i sir i. Ziangmanti fangin amah in i hlun awl ai, i thukham khiah bawn nuam lo i.” ti in rel i. Ciafangin Samuel khai lungsia ai zan khuavar Bawipa hnenah kap i. 12Samuel khai Saul tawk tuhin zing niu in tho fangin, Samuel khiah,  “Saul khiah Kharmel ah kawi ai amah hming in khan sa ben fangin Kilkal ah feh i ta.” ti in rel i. 13Ciafangin Samuel khai Saul hnenah kawi i. Saul in Samuel hnenah, “Bawipa ai hmuifu burhnak pa. Bawipa thukham bangin bawn zo ing.” ti in ti i. 14Ciafangin Samuel in, “Ilekhaw i naa ai zahnak tu te aihnak aw le kawlpawte runghnak aw tu ziang ti ca i pa?” ti in zawt i. 15Ciafangin Saul in, “Amahte khiah Amalek te hmunin kawihhnak i. Ziangmanti fang in mite in Bawipa na Pathian hnenah hlu tuhin tu le      kawlpawte a pha ber te khiah  rek lo in zah i. Cialo hmuah tu rek sio i ing.” ti in rel i. 16Ciafangin Samuel in Saul hnenah, “Com tu! Tun zanah Bawipa in i relhnak thu khiah na rel ngang.” ti in ti i. Saul in, “I rel tu.” ti in sawn i. 17Ciafangin Samuel in, “Nangmah khiah nangmah mithmuh ah na cik teng in, Israel hinte uktu tuhin na dah  ai Bawipa in Israel mite kumpibawi cang tuhin na ril i ta lo im? 18Bawipa in, ‘Amalek misualte khiah rek tu sio. Amahte khiah a bo sio hlan lo tawng tu.’ ti in na feh ruai i. 19Cia ilekhaw    ziangmanin Bawipa thu khiah ngai lo ai, a thilrite khiah sut sah ai, Bawipa hmai ah a pha lo bawn i si?” ti in ti i. 20Ciafangin Saul in Samuel hnenah, “I. Bawipa thu khiah ngai ai Bawipa ai i feh ruai hmunah fehai, Amalek te kumpibawipa Akak khiah pom ai, Amalek mite khiah a veksen in rek sio ing. 21Ikhalselai Israel mite in amahte  thilri le tu le kawlpaw te le thil a phate khiah a veksenin hnawmcan pha napui ai Bawipa hnenah hlu tuh in lang i.” ti in sawn i. 22Ciafangin Samuel in,

“Bawipa in mei ai taihnak a hlu le raithawi  khiah,
Bawipa thu ngai tahin lungkhim sawn im?
Sik tu, a thu ngai khiah raithawi tahin pha sawn i.
A thu hlun khiah tucang thau tah in pha sawn i.

23 Ziangmanti fangin, Pathian tawng khiah
hnamnaite sualhnak bang i.
Ungtuang ai um heh sualhnak le milim bia bang  i.
Nangmah in Bawipa thu khiah hnawl manin,
ani in khai nangmah khiah kumpibawi in
na hnawl zo i.” ti in ti i.

24Ciafangin Saul in Samuel hnenah, “I sual te i. Bawipa thu le na thu lakah i khelh te i. Ziangmanti fangin Israel mite khiah kih ai amahte thu sawn ngai te ing. 25Ciamanin tunin, na ngen ing, i sual i zah tulai, kaimah thawn letleh tulai Bawipa khiah bia ngang.” ti in ngen i. 26Ciafangin Samuel in Saul hnenah, “Nangmah thawn let leh tuh lo ing. Ziangmanti fangin nangmah in Bawipa thu khiah hnawl manin, Bawipa in khai nangmah khiah Israel kumpibawi in na hnawl zo i.” ti in rel i. 27Samuel khai feh tuhin her fangin, Saul in Samuel silhnak pon khiah pom ai cia pon khiah zik i. 28Ciafangin Samuel in amah hnenah, “Tunnia ah Bawipa in Israel kumpibawi ukhnak khiah na hnenin na zik sah ai, nangmah hnak ai pha sawn na ompui hnenah pe zo i. 29Cen Israel Thangphathnak Pa in thudon khai rel lo i. Cen sir khai sir lo i. Ziangmanti fangin minung bangin sir tuh lo i.” ti in ti i. 30Ciafangin amah in, “I sual te i. Ikhalselai he mi upate hmai ah le Israel hmai ah  tunin i upat tuhin na ngen ing. Kaimah thawn let leh tulai Bawipa na Pathian khiah bia ngang.” ti in ti i. 21Ciamanin Samuel khai Saul hnua in letleh ai, Saul in Bawipa khiah bia i.

32Ciafangin Samuel in, “Amalek te kumpibawi khiah heta ah kawih tuu-ih.” ti in ruai i. Ciamanin Akak khai ralring niu in kawi i. Ciafang Akak in, “A kha ngerngo thihhnak songin a ngaingai in luat zo i hang.” ti in ti i. 33Ikhalselai Samuel in, “Na vangsau in nupui tamngai khiah fatong can bangin, na nuu khai nupuite lakah fatong in um tuh ve i.” ti in ti ai Samuel in Akak khiah Kilkal ah Bawipa hmai ah sat dek i.

34Ciaben fangin Samuel khai Ramah ah feh ai Saul khai Saul ai Kibeah khua ai a inn ah tlung i. 35A thi nia tianin Samuel in Saul khiah hmu tuhin kawi leh lo i hang. Samuel in Saul khiah kah ai, Bawipa khai Saul khiah Israel mite kumpibawi in bawn manin sir leh i.

<<  1 SAMUEL 15  >>

Recent Posts