Kolose 3

<<  KOLOSE 3 >>

3Ciamanin Khrih thawn tho khat leisikhaw Pathian kiahhan lamai Khrih tohmun vancung ai thilte sawn sii tuu-ih. 2Laivum thil khiah  ruat lo in vancung thilte sawn ruat tuu-ih. 3Ziangmanti fang in ningte khiah ning thi zo i. Ciamanin ning nunhnak khiah Khrih thawn Pathian songah thup lio i. 4Kin nunhnak Khrih  laarruai leh fangin ningte khai amah thawn thangphathnak kawmin ning laarruai tuh ve i. 5Ciamanin ning laivum ruangpumpui innkuate khiah tlangvalfenu sualhnak, a rim le a tluklo ai daihhnak le a pha lo daihhnak le pamhaphnak te khiah milim bia thawn bang i manin hete hmunin  ning pumpui khiah a thi zo bangin ruat tuu-ih. 6Ziangmanti fangin hete manin Pathian thinrawhnak khiah thungailo mite hnenah hleng tuh i. 7Cen hete thawn um awng ai hete khiah bawn awng de i si. 8Ikhalselai tunin thinrawhnak, thincomhnak, mitih hrimhnak te bawn awl in Pathian zauhsuamhnak pon le ning ka songin ponsia te khai suak ruai mah ih. 9Ning songai mitar pa khiah a naperhnak kawmin ning lon zo manin pakhat le pakhat zawldun mah ih. 10Mithar pa khiah sil tu i lai ning bawntu pa hmel khiah cung in ning fimhnak khiah thar ruai tuu-ih. 11Cia  pa songah Greek minung ti le Judah minung ti um lo i. Vunpar cem le cemlo ti khai um lo i. Mivoi le Skithian mi ti khai um lo i.  Mi hnenum ti le a luat mi ti khai um  lo i. Ikhalselai Khrih khiah  aisu hmuahhmuah songah um i.

12Ciamanin Pathian ai rilhnak a cianghlim le a ithnakte ning i manin mi ninghiohnak, thinnemhnak, thinniamhnak, thinsauhnak le midawhnak le ordunhnak thinlung khiah sil tuu-ih. 13Pakhat le pakhat khiah thinsau in ordun tuu-ih. Pakhat le pakhat khiah haudun leisikhaw sualhlat dun tuu-ih. Khrih in sual ning hlat bangin ningte in khai sualhlat dun tuu-ih. 14Ciazolo ah ithnak khiah sil tuu-ih. Ithnak khiah remruaitu ri i. 15Khrih hnenai thinnuamhnak in ning thinlung uk tu seh. Cia thinnuamhnak hnenah pumkhat ai um tlaang tuhin ning kohnak i. Cen an hal tu tio i. 16Khrih thu thawn ning  dim tu seh. Pakhat le pakhat khiah fimhnak hmuahhmuah thawn anhnak la le kawspal la le rauhla la kawmin cukdun le tiamdun tuu-ih. Ning thin songah anhnak thawn Pathian hnenah lasa tuu-ih. 17Zaizai khai Bawi Zisu hming in per tu i lai  Bawi Zisu hming in rel tuu-ih. Bawi Zisu songin Pa Pathian khiah an tuu-ih.

 

Innkua nundan
(Efesa  5:22-6:4)

18Nuipuite, ning pate kuthnia ah um tuu-ih.  Cia khiah Bawipa hmai ah a mawi le a tlak i. 19Pate, ning nute khiah it tuu-ih. Amahte lakah thinruh meng in um mah ih. 20Fate, ning nuu le paate khiah zaizongza ah a thu ngai tuu-ih. Ziangmanti fangin cia khiah Bawipa  lungkhimhnak i. 21Paate, ning fate khiah thinraw tuhin tok hnelhno mah ih. Cialofangin amahte khiah thasia thai i.

Hnenum le Bawi Tavuan
(Efesa 6:5-9)

22Hnenumte, laivum ai ning bawite khiah zaizongza ah a thu ngai tuu-ih. Mite angruai tuhin mite ai hmu fang ian in per lo in  Pathian kih kongin ning thinlung ngaingai in per tuu-ih.  23Zaizai ning per in khai  minung ca ai per bangin i lo ai Bawipa ca ai per bangin hiamngai in per tuu-ih. 24Ziangman ti fangin rocohnak lehsawng khiah Bawipa hnenin ngah tuh khiah ling tuu-ih. 25Ikhalselai a pha lo bawntute in a phalo bawnhnak bangin ngah tuh i. Cen aisu khai hmaisonhnak um tuh lo i.

<<  KOLOSE 3 >>

Leave a Reply

Your email address will not be published. Required fields are marked *