Mark 16

<< MARK 16 >>

Zisu khiah tholeh i
(Mate 28:1-8; Luke 24:1-12; John 20:1-10)

16Sabbath nia fangin, Mary Magdalene le James nuu Mary le Salome te khai Zisu nawih tuhin podar rimhmui lai ai, 2Zarhni ni hmasaber nia nisuak sawng fangin anite khai hlanah khuahma ngai in kawi i. 3Ciafangin anite khai amahte tlaangtlaang khiah, “Aisu in hlan dawngkham ai lungto pui khiah kin tul sah ni ngai?” ti in rel tlang i. 4Ciafangin anite khai sik fangin lungto khiah a leu sa in hmu i. Ziangmanti fangin cia lungto khiah a lian ngai i. 5Anite khai hlan songah lut fangin, amahte kiahhan lamah tlangval pa pakhat to in hmu ai cia pa in pon ngo sil i. Ciafangin anite khai lau ngai i. 6Ikhalselai cia pa in, “Lau mah ih. Thinglamteh vumai rekhnak Nazareth Zisu sii i si. Amah khiah tho zo i hang. Heta ah um lo i hang. Zisu zauhmun khiah sik tuu-ih. 7 Ikhalselai feh tu i lai Peter le a dang hnuahlunte hnenah, Zisu khiah ning hlanin Galilee ah feh zo i, ti in rel tuu-ih.” ti in rel i. 8Ciafangin anite khai hlan in a rang ngai tlan ai feh i. Amahte khiah thingbiakbo ai ngaihsunur ngai kong in um ai cia thu khiah aisu khai rel lo i. Ziangmanti fangin amahte khiah lau ngai i.

 Zisu khiah Mary Magdalene hnenah laar i
(Matt. 28:9-10; John 20:11-18)

9Zisu khiah zarhni ni hmasaber nia zingniu in thihhnak in tholeh fangin amah in khuavang pasarih khiah a songin hnawt sah awnghnak Mary Magdalene hnenah a hmasaber in lar i. 10Ciafangin Mary Magdalene khai feh ai cia thu khiah Zisu thawn ai umkhat awngtute hnenah, amahte khiah lungsia ai kap kong ai um teng fangin rel i. 11Ikhalselai amahte in Zisu khiah nung leh zo ai Mary in hmu zo i ti khiah za fangin sang lo i.

A hnuahlun panih hnenah lar i
(Luke 24:13-35)

12Ciahnua ah Zisu khiah a hmel tumce in a hnua hlunte lakai panihte khualsi teng fangin ciate panih hnenah lar i. 13Anite khai let leh le a dangte khiah rel fangin anite in sang cuang lo i.

Kawspal thupha khiah cuk tuu-ih
(Mate 28:16-20; Luke 24:36-49; John 20:19-23)

14Ciahnua fangin hlaikhatte khiah rongei in to teng fangin Zisu khai amahte hnenah lar i. Amahte in sang lo manin le thinruh in um manin Zisu in amahte khiah hau i. Ziangmanti fangin amah khiah thihhnak in tholeh fangin amah hmutute sang lo i. 15Ciafangin Zisu in amahte hnen ah, “Ningte in laivum pumpalah ah feh tu i lai minung hmuahhmuah hnenah kawspal thupha tazahaw tuu-ih. 16Cia thu sang ai tinim tute in ohnak ngah tuh i. Ikhalselai a sang lo tute khiah rall tuh i. 17Cen a sangtute in he bang hnikhnaihhnak bawn ben tuh i: I hming in amahte in khuavang hnawt tuh i. Amahte in pon thar thawn in pong tuh i. 18Amahte in a kut in rul sin tuhai rul in amahte khiah cik tuh lo i. Thihsi rin ding tuh ai thi tuh lo i. A urte vumah amahte kut dah tuhai a urte khiah cak tuh i.”ti in rel i.

19Ciamanin Bawi Zisu in amahte hnenah thurel ben fangin vancung ah fehpui ai Pathian kiahhan amah to i. 20Ciafangin anite khai feh ai nuamhmun caang ah tazahaw i. Cialak in Bawipa in amahte thawn naper ai amahte thu khiah hnikhnaihhnak thawn kho ruai i. Amen.

<< MARK 16 >>

Leave a Reply

Your email address will not be published. Required fields are marked *