2 Kawrin 4

<<  2 KAWRINTHIAN 4 >>

4Ciamanin Pathian ninghiohnak in he naper tuh kin nai manin thinhnawm in um lo i ing. 2Ikhalselai thupruk nundan le zakthikul nundan lonai mite zawl lo i ing. Cen Pathian thu khai a hman lo a lehlawkin in rel lo i ing. Ikhalselai thuhman khiah laarruai ai Pathian hmai ah mite ruathnak hnenah kinmah veve ling ruai i ing. 3Cen kin kawspal thupha relhnak khiah thup lekhaw a thite hnen lekah thup i. 4Ziangmanti fangin he laivum khuavang in thusanglote thinlung khiah mitvai ruai ai ciamanin amahte in Pathian hmel bang Khrih ai thangphathnak a kawspal khuavaar hmu lo i. 5Ziangmanti fangin kinmah thu tazahaw lo ai kin Bawipa Khrih Zisu thu le kinte khiah Zisu ca in ning hnenumte i ing ti lek tazahaw i ing. 6Ziangmanti fangin “Khuathim songin khuavaar suak tu seh.” ti ai reltu Pathian in Khrih mithmai songin Pathian thangphathnak linghnak khuavaar pe tuhin kin thin songah khua kin vaar ruai zo i.

7Ikhalselai a rel zolo a lianngai power khiah kinmah ai i lo ai Pathian ai i ti laar thillhnak tuhin he hlawnthil khiah lai bel songah nai i ing. 8A phun caangin kin rim napui ai thin kin khoi lo i. Hnai kin hnok napui ai thin kin hnawm lo i. 9Hnawm kin can napui ai kin zam lo i. Kin vit ai kin tlu napui ai kin thi lo i. 10Zisu nunhnak khiah kin songin laar thillhnak tuhin Zisu thihhnak khiah kin ruang songah phur i ing. 11Zisu nunhnak khiah kin taksa pumpui songin laarruai tuhin kin a nung mite khiah Zisu ca in thihhnak hnenah a zomzet in kin ap i. 12Ciamanin kin songah thihhnak in naper i. Ikhalselai ning songah nunghnak in naper i. 13Ikhalselai “Sang manin rel ing.” ti ai nganhnak bangin ciabang sanghnak thinlung nai manin kinte in khai rel ve i ing. 14Ziangmanti fangin Bawi Zisu tho ruaitu pa in kinte khai Zisu thawn kin tho ruai leh tuh ve ai ningte thawn a hmai ah kin hmuh tuh i ti ling i ing. 15Zai hmuahhmuah khiah ningmah ai i liang i. Ciamanin ngaihharhnak khiah mi tam amam in ngah fangin mi tamngai in Pathian an tuh ai Pathian thangphat tuh i. 16Ciamanin tha kin sia lo i. Ikhalselai kin ruang pumpui tu mot riaro napui ai kin rauhla tu ni khat hnua ni khat tha thaar thawn rol tio i. 17Ziangmanti fangin a zangniu anharhnak khiah campuikhat tuar ai santehdun tuh um bul lo kumzangza thangphathnak a lianngai khiah kin ca ah suak ruai i. 18Ciamanin mit ai hmu thillhnak thilte sik lo in mit ai hmu thilllo thilte sawn sik i ing. Ziangmanti fangin mit ai hmu thillhnak thilte khiah camkhat ca i. Ikhalselai mit ai hmu thillohnak thilte khiah kumzangza ca i.

<<  2 KAWRINTHIAN 4 >>

Leave a Reply

Your email address will not be published. Required fields are marked *