1 Kawrin 8

<<  1 KAWRINTHIAN 8 >>

Mizukte hnenah raithawihnak

8Milimte hnenah raithawihnak rong thu ah kin veksenin fimhnak nai khiah ling i sing. Fimhnak in hngalhnak suak i. Ikhalselai ithnak in mite kho ruai i. 2Aisu in khai ling liang vuah lekhaw amahin a ling kul bangin zaikhai ling lai lo i. 3Ikhalselai Pathian ittute khiah Pathian in ling i. 4Ciamanin milimte hnenah raithawihnak rongei thu ah, laivum ah mizukte khiah ziangkhai i lo i ti ling i sing. Cen Pathian pakhat lek um i. 5Ziangmanti fangin vancung ah i tu seh laivum ah i tu seh pathiante ti ai kohnak um khalselai, pathian tamngai le bawi tamngai um bangin, 6Kin ca ah Pathian pakhat lek um ai Amah khiah kin Pa le zai hmuahhmuah bawntu i le amah songah nung i sing. Cen Bawipa Zisu Khrih pakhat lek um ai a songin zai hmuahhmuah bawn ai amah songin nung i sing. 7Ikhalselai he thu khiah mi hmuahhmuah in ling lo i. Ziangmanti fangin he hlan hmuah milim bia awngtute in milim hnenah raithawihnak bangin rongei i. Ciamanin amahte ruathnak khiah thanau manin amahte khiah sual ruai i. 8Ikhalselai rong in Pathian hmaiah kin pha ruai cuang lo i. Ziangmanti fangin rongei lesingkhaw kin pha tuh cuang lo i. Cen ei lo in khai kin hnawm tuh cuang lo i. 9Ikhalselai he na luatlathnak in sang thanaute bah ruaitu cang tuh ralring tu. 10Ziangmanti fangin fimhnak naitu nangmah khiah milimte temple songah rongei in ruathnak thanau pa in na hmu lekhaw cia pa khiah raalpha tuhai milimte hnenah hluhnak rong khiah ei ngam tuh i. 11Na fimhnak manin cia thanau unau khiah rall nga im? Cia pa ca in khai Khrih thi tuar i. 12Ikhalselai ciatih in unau lakah ning sual fang le amahte ruathnak thanau khiah ur ruai fangin Khrih lakah sual i si. 13Ciamanin rong in i unau sual ruai lekhaw laipua bo hlan lo sa ei lo in um tuh ing. Cialofangin i unau sual ruai mawh ngang.

<<  1 KAWRINTHIAN 8 >>

Leave a Reply

Your email address will not be published. Required fields are marked *