<< 1 KAWRINTHIAN 2 >>
Pathian fimhnak ian fimhnak ngaingai i
2Ulenaute, ning hnenah i kawi fangin, Pathian ai tettikhanhnak thu khiah thurelthiam le fimhnak thawn ning rel tuhin kawi lo ing. 2Ziangmanti fangin ning lakah Zisu Khrih le thinglamteh ai a rekhnak thu siarlo ziang thu dang ling tuh lo in kawi ing. 3Cen kai khai ningmah bangin thanau le lau kongin le thing biakbo in um ve ing. 4Ciamanin i thurelhnak le i tazahawhnak khiah thinso thai in laivum fimhnak thawn rel lo ai Ciang Rauhla le Pathian power thawn rel ing ti ning ling ruai ing. 5Ziangmanti fangin ning sanghnak khiah minung fimhnak manin i lo ai Pathian power manin i tu seh. 6Ikhalselai he fimhnak khiah laivum fimhnak le mi-uktute fimhnak i lo i. Hete fimhnak tu zaikhai cang tuh lo i. 7Ikhalselai kin relhnak fimhnak tu Pathian fimhnak i le kin thangphathnak tuhai laivum po hlanah thuphnak fimhnak rel i ing. 8Cia fimhnak khiah laivum mi-ukte in ling lo i. Ziangmanti fangin ling ta selai thangphathnak Bawipa khiah Ziangmanti fangin Ciang Rauhla in zaizongza khiah sii ai a thukngai Pathian thilte khiah sii i. 11Ziangmanti fangin mi pakhat ai ruathnak khiah amah lo mi dang aisu in ling sah thill i? Ciabangin Pathian ruathnak khiah Pathian Ciang Rauhla lo aisu in khai ling sah lo i. 12Pathian in a siang ngai ai kin sumhnak thilte khiah kin ling thilhnak tuhin laivum fimhnak khiah ngah lo ai Pathian Ciang Rauhla sawn ngah i sing. 13Cia thilte khiah minung fimhnak ai cukhnak pon thawn rel lo ai Ciang Rauhla cukhnak pon thawn rel ai rauhla lam thu khiah rauhla pon thawn rel i ing. 14Ikhalselai thusanglo pa in Pathian Ciang Rauhla thute khiah sang lo i. Ziangmanti fangin cia pa hnenah, Ciang Rauhla thu khiah mivoi thu bang i. Cen ling khai ling thill lo i. Ziangmanti fangin ciate khiah rauhla lam thute i. 15Ikhalselai Ciang Rauhla naitute in zai hmuahhmuah thu khiah khan i. Ikhalselai amah tu aisu in khai a thukhan sah lo i. 16Ikhalselai aisu in Pathian thinlung ling sah i? Ciamanin aisu in Pathian khiah thucuk thil i? Ikhalselai kinte in Khrih thinlung nai i sing.
<< 1 KAWRINTHIAN 2 >>