2 Timote 3

<< 2 TIMOTE 3 >>

3Ikhalselai he khiah lo ling tu: Ni hnuataber lam fangin harhnak cu khiah hleng tuh i. 2Ziangmanti fangin minungte khiah amah te veve lek it tu le paisa it tu le mihngal le mi puarthau le ponsia pongtu le amahte nuu le paate thungai lotu le anhal thai lotu, mi cianghlim lo 3Ithnak nai lo le misual hlat nuam thai lo, misiat thai, mi hlotlau, mi riahsia, a pha huatu, 4Mihrokhrawl, mi ngulsul, hngalhnak le voihnak thawn dimtu, Pathian hnakin nunnuamhnak khiah it sawntu, Pathian sang bangin um napui ai Pathian power el tute cang tuh i. Ciabang minungte khiah lo pawl mah. 6Ziangmanti fangin ciabang minungte lakah a hrekkhatte in inn songah lut ai taksa daihhnak caang hlun manin sualhnak thilrit phurtu thanau nupuite khiah pom thai te um i. 7Zir napui hnelhno ai thuhman khiah ling awng kel lo minungte i. 8Jannes le Jambres in Moses khiah el awng bangin amahte in thuhman khiah el i. Amahte khiah ruathnak pha lo le a hman lo sanghnak naitu minungte i. ’ikhalselai amahte khiah khaang tuh lo i hang. Ziangmanti fangin khiate panih bangin amahte voihnak khiah mi veksen hnenah lar tuh i. 10Ikhalselai i thucukhnak, i ziaza, i tuumhnak, i sanghnak, i thinsauhnak, i ithnak, i thinkhohnak, 11I rimsuhnak, i tuarhnakte le Antiok le Ikhawnium le Listra ai i vumah hlenghnak rim­suhnak i tuarhnak khiah nangmah in ling zo i si. Ikhalselai cia hmuahhmuah songin Bawipa in i o sio i. 12Khrih Zisu songah a cianghlim nunhnak thawn ai a nung nuamtu hmuah in rimsuhnak tuar tuh i. 13Cialak in mi siava le a paalkheltu mite khiah a pha lo cang tuh am am ai mi khiah zawl tuh am am ai amahte khai mite in zawl tuh i. l4Ikhalselai nang ngawn na zir zohnak le a kho ngai ai na sang zohnak thu khiah hlun tu. Ziang- manti fangin na zirhtu pa khiah aisu i ti ling i si. 15Cen Khrih Zisu songai sanghnak in nunohnak hnenah kong na hoitu fimhnak na pe thai Lai Cianghlimte khiah na naupang lai in lingzo i si. l6Lai Cianghlim a veksen khiah Pathian ai pehnak i ai mi thucukhnak Ie mi tiamhnak le khelhnak remtu le dikcanghnak lamah zirhtu tuh in hnempui i 17Ciafangin Pathian minung khiah a zongza in khim tuh ai na pha hmuahhmuah perhnak karihza thilri a khim in nai tuh i.

<< 2 TIMOTE 3 >>

Leave a Reply

Your email address will not be published. Required fields are marked *