2Cia ilekhaw i fapa, nangmah khiah Khrih Zisu songai ngaihharhnak songah thahat in umtu. 2Cen tetti tarn ngai hmai ai i hmunai na zahnak thu khiah midangte khai cuk ben thaite mikungte hnenah lo ap tu sai. 3Khrih Zisu raalkap pha pakhat bangin anharhnak khiah tuar tu. 4Aisu raalkap bangin khai a raalkap na per teng in laivum nunhnak ca in na per lo i. Ziangmanti fangin raalkap tuan tuhai a riltu pa lungkhim ruai tuh khiah a tuumhnak i. 5Dawphnak puai ah teltu pa in a dan bangin dawp hlahlekhaw amah in lehsawng ngah tuh lo i. 6Thakawl ngai ai lovaitu pa in rong thai a hmasaber co mawi i. 7I relhnak khiah mat leh tu sal. Ziangmanti fangin Bawipa in zaizongza linghnak tuh khiah na pe tuh i. 8I kawspal thupha relhnak bangin thihhnak ai tholehtu David songin suakhnak Zisu khiah hih tu. 9Cia kawspal thupha ca in kaimah in tuar ai misual bangin thirri khiah awr ing. Ikhalselai Pathian thu khiah thirri in hen thill lo i. 10Ciamanm anite in khai Khrih Zisu songai kumzangza thangphathnak thawn hlenghnak nun ohnak khiah ngah ve thillhnak tuhin zaizongza khiah a rilhnak pa ca in tuar ing. 11He khiah a sangtlak thu i: Amah thawn thi khat lesingkhaw amah thawn nung khat tuh ve i sing. 12Tuar khat lesingkhaw amah thawn bawi cang khat tuh ve i sing. Amah khiah el lesingkhaw amah in khai kin el tuh ve i. 13Rinsantlak in ura khal hlahsingkhaw amah khiah rinsantlak tio i. Ziangmanti fangin amah veve khiah el thill lo i. 14Amahte hnenah he thu hih ruai in phathnak zaikhai cang ruai lo ai a zatute hnawmcan ruaitu thu eldun tuh khiah awl tuhin Bawipa hmai ah thu lo pe tu. 15Nangmah veve khiah Pathian lungkhim thai in zakthi kul lo in thuhman thu khiah a cangniu ai khan thiam napertu na cang thai in laisik zuam tu. 16A cianghlim lo le thu lovang pon khiah pong mah. Ziangmanti fangin amahte in minung tarn amam khiah sual ruai tuh amam i. 17Amahte ponghnak in amahte khiah hmaihma bangin ur ruai tuh i. Ciate lakah Hymenaeus le Failetus khai tel ai 18Amahte in mithi tholeh hnak khiah khim zo i hang ti in rel ai thuhman hmunin lamtler lio i. Ciatihin mi hrekkhatte sanghnak khiah hnawm ruai i. 19Ikhalselai Pathian hamsahnak khiah tlirh lo in kho tuh meng i. Cia vumah, “Bawipa in a minungte khiah ling liang i.” tihnak le “Bawipa hming ai kohnak minung hmuah in sualhnak hmunin tlan tu seh.” tihnak tacik khiah um i. “inn lian ngai songah sui bel le ngun bel lek um lo ai thing le lai bel khai um i. A hrekkhate khiah upathnak in hmang ai a hrekkhatte khiah nau- tathnak in hmang i. 21Mi pakhat in amah veve khiah a nautat kul hmunin ciang ruai lekhaw amah khiah a upatkul bel cang tuhai amah khiah cianghlim ruai tuhai inn naitu bawipa ai hmang tlak bel cang tuhai, na pha hmuah hmuah per tuhin bawn tuh i. 22Ciamanin tlangval taksa daihhnak hnenin tlan tu. Ikhalselai. dikcanghnak le sanghnak ithnak le thinnuam hnak khiah thinlung cianghlim thawn Bawipa kotu mite kawmin hlun tu. 23A dikbe um lo mitaw thu eldunhnak khiah bawn mah. Ziangmanti fangin hauhnak lek suak hiai i ti khiah ling i si. 24Bawipa hnenum khiah mi thawn hau thai hnelhno tute i ma seh.
Ikhalselai mi hmuah hnenah neemtu le mi thucuk thiam saza le mi thinsau pa i tu seh. 25Ciafangin Pathian in a eltutete khiah sirhnak le thuhman linghnak lo pe thai khiah umm kong in a eltute khiah neemniu in lo cuk tu seh. 26Ciafangin amahte khiah fun tuh sungso ai khuavang in amah daihhnak bawn ruai tuhin thawnghensa napui ai khuavang thang songin lo suak ngah tuh i.