Thukhantute 17

<<  THUKHANTUTE 17 >>

Maikah thu

 17Ciafangin Efraim mual vum lamah Maikah tihnak mi pakhat um i. 2Maikah in a nuu hnenah, “Tangka thawngkhat le zakhat khiah na hnenin na lang sah manin nangmah in awrsia na camhnak khiah na za sah ing. Cia tangka khiah kaimah in lang ing. Cia tangka khiah kaimah in nai ing.”ti in ti i. Ciafangin a nuu in, “I fapa, BAWIPA in hmuifu na bur tu seh!” ti in ti i. 3Ciamanin amah in cia tangka thawngkhat le zakhat khiah a nuu hnenah pe leh fangin, a nuu in, “Cia tangka khiah i fapa in mizuk le milim bawn tuhin i kut in BAWIPA hnenah hlu zo ing. Ciamanin  cia tangka khiah na pe leh ing.” ti in ti i. 4Ciatih bangin a fapa in cia tangka khiah a nuu hnenah khirh leh i. Ciafangin a nuu in tangka shekel zanih khiah lang ai pumsutu pa hnenah pe ai pumsutu pa in mizuk le milim in bawn le Maikah  inn ah dah i. 5Maikah in a inn ah a bia hmun nai ai ephod le inn sang milim khiah bawn ai a fate pakhat khiah phungki cang ruai i. 6Ciateng in Israel ram ah kumpibawi um lo manin aisu hmuah in  amahte in a hman i ti ai ruathnak bangin bawn ten i.

7Ciafangin Judah ram ai Bethlehem ah Judah hin mite thawn Levi mi tlangval niu pakhat um awng i. 8Cia tlangval pa khai Judah ram ai Bethlehem in umhmun tuh sii in khualsi i. Ciatih ai a khualsi fangin Efraim mual lamah hleng ai Maikah inn ah hleng i. 9Ciafangin Maikah in amah hnenah, “Konin hleng i si?”ti in zawt i. Ciamanin amah in, “Kaimah khiah Judah ram ai Bethlehem khua ai Levi mi ing. Um hmun tuh sii in khualsi ing.”ti in sawn i. 10Ciafangin Maikah  in amah hnenah, “I hnenah um tulai i paa le i phungki cang tulai kum khat ah tangka shekel sawmkhat le thilthuam le rong na cawm ngang.”ti in rel i. Ciafangin cia Levi khai a inn songah lut i. 11Ciafangin cia Levi pa khai amah thawn um tuhin lungkhim ai a fate pakhat bangin cang i. 12Ciamanin Maikah  in Levi pa khiah cianghlim ruai ai cia pa khai a phungki cang ai Maikah inn ah um i. 13Ciafangin Maikah in, “Tunin BAWIPA in hmuifu i bur tuh i. Ziangmanti fangin a phungki tuhin Levi mi nai ing.” ti in ti i.

<<  THUKHANTUTE 17 >>

Recent Posts