1 Aw Pathian, na an i ing. Na an i ing.
Ngaisun urkul na bawnhnakte in na hming khiah kin nongah um i, ti in kin piah i.
2 Nangmah in, “A cu khim fangin dikcang ngai in thukhan tuh ing.
3 Laipua le minungte a veksen khiah hlin fangin,
A khuamte khiah kaimah in a kho ngai in awh ing. Selah
4 Mi hngalte hnenah, ‘A hngal in naper mah ih.’
ti in rel ing.
Mi sualte hnenah,
‘Ning thaa khiah tuar hnelhno mah ih.
5 Ning thaa khiah vancung lamah tuar hnelhno mah ih.
Ungtuang kong in pong mah ih.” ti in rel ing.
6 Upathnak khiah ni suak hmun lam in le nitla hmun lamin le hlang lam in hleng lo i.
7 Ikhalselai Pathian khiah Thukhantu i.
Amah in pakhat khiah niam ruai ai pakhat khiah do ruai i.
8 Ziangmanti fangin BAWIPA kut songah khuat pakhat um i.
Cen cia khuat songai capittizu khiah a san i.
Cia capittizu khiah a rawih cia liang i le amah in lai sek i.
A phul khiah laivum mi sualte in ding i.
9 Ikhalselai kai ngawn he thu khiah kumzangza in rel tuh ing.
Zakuk Pathian cuanhnak late khiah sa tuh ing.
10 Amah in, “Mi sualte thaa khiah nau ruai sah tuh ing.
Ikhalselai mi dikcang thaa khiah khang ruai tuh ing.” ti in rel i.