1 Aw Pathian, ngaih i har tu. Ngaih i har tu.
Ziangmanti fangin i rauhla in rin na san i.
Na ko nihlim hnia ah he harsahnakte khel sio hlan lo buan tuh ing.
2 A Saangber Pathian hnenah kap tuh ing.
I ca in zai hmuahhmuah i bawt sah tu Pathian hnenah kap tuh ing.
3 Amah in vancung in i kuat tuhai i o tuh i.
I lem tu khiah amah in hau tuh i. Selah.
Pathian in a ngaihharhnak le a thuhman khiah hlat tuh i.
4 I rauhla khiah chintitte lakah um i.
Kaimah khiah mai bang ai saa minungte lakah um ing.
Amahte kam khiah feipui le conkiang i.
Amahte lei khiah vangsau bangin san i.
5 Aw Pathian, vancungte vumah hmingthang tu.
Na thangphathnak khiah laipua pumpalah ah dim tu seh.
6 Amahte in i ca in thang tauh i.
Thintawp in i lu ut ing.
I hmai ah kua thuk ngai co i.
Cia kua songah amahte sawn tlok lio i. Selah
7 I thinlung khiah kho i, aw Pathian.
I thinlung khiah kho i. Lasa in na cuan tuh ing.
8 Phawk tu, i rauhla,
phawk tu, guitar le congcing!
Varciang khiah phawr tuh ing.
9 Mi dang phunte lakah na cuan tuh ing, aw BAWIPA.
Mi dangte lakah na hnenah lasa tuh ing.
10 Ziangmanti fangin na ngaiharhnak khiah vancung tian ban ai,
na thuhman khiah mairo tian ban i.
11 Aw Pathian, vancungte vumah hmingthang tu.
Na thangphathnak khiah laipua pumpalah ah dim tu seh.