Psalm 22

<<  PSALM 22  >>

1  I Pathian, i Pathian,
zaimanin i zam lio i si?
Zaimanin i bawm lo in a hla ngai ah um ngio i si?
Zaimanin i ur ai aihnak aw khiah i ngai sah lo i si?

2  Aw Pathian, sun lai in kap napui ai i za sah lo i si.
Zanlai in khai a dapniu in um lo ing.

3  Ikhalselai nang tu a cianghlim i si.
Nang tu Israel mite cuanhnak i si.

4  Kin paate in rin na san i.
Rin na san manin amahte khiah o i si.

5  Amahte in na hnenah kap ai amahte khiah o i si.
Amahte in rin na san ai amahte khiah zakthi lo i.

6  Ikhalselai kai tu pangang bang ing.
Minung i lo ing.
Mite zauhsuamhnak le nautathnak ing.

7  I hmu tu hmuah in hnih i san ai zauh i suam i.
Amahte in i sawi ai,
amahte lu khiah leuh kong in,

8  “Amah in BAWIPA khiah rinsan i.
BAWIPA in amah khiah o tu hang seh.
Amah in BAWIPA lakah lungkhim manin BAWIPA in amah khiah luat ruai tu hang seh!” ti in rel i.

9  Ikhalselai i nuu pum songin i suah tu khiah nangmah i si.
I nuu hnawifawp lai pahin nangmah khiah rin i san ruai i si.

10 I te pahin nangmah hnenah i lon zo i.
I nuu pum songai panin nangmah khiah i Pathian i si.

11 I hnenin a hlaa ah lo um mah.
Ziangmanti fangin harsahnak khiah i nong niu ah um ai bawm tu nai lo ing.

12 Kawlpaw cang tamngai in i kulh i.
Bashan kawlpaw cang riahsia ngai te in i kim i.

13 Amahte in a huk hiaho le a riahsia ngai chintit bangin amahte kaa in i ngeu tum i.

14 Ti dap bangin i zuung sio i.
I ruhte khiah a veksen in hlok sio i.
I thin khiah khoihnar bangin i songah zul sek i.

15 I tha khiah laibel khoihnak bangin ro sio i.
I lei khai i karuh songah bek meng i.
Nangmah in thihhnak laivut hnenah i kawih lio i si.

16  Ziangmanti fangin uicote in i kulh i.
Misual pawlpuite in i kim i.
I kut le i ke khiah amahte in i dawt sah i.

17 I ruh khiah a veksen in siar thill ing.
Amahte in i sik ai a mit khamkham in i kian hnelhno i.

18 I thilthuam khiah amahte lakah zem hnelhno i.
I ponte ca in aungbali suai i.

19 Aw BAWIPA, kai thawn ai hlaa ah lo um malaw.
Aw i Thaa petu, a rang in i bawm tu.

20 Vangsau thawn i rek tuh lo in i o tu.
I nunhnak khiah uicote huthawm songin luat ruai tu.

21 Chintit kaa le hampalak ai kawlpaw cangte ki hnenin i o tu.
Nangmah in i sawn zo i si.

22 Na hming khiah i unaute hnenah rel tuh ing.
Pawlpuite laiteng ah na cuan tuh ing.

23 Ningte BAWIPA kih tute in amah khiah cuan tuu-ih.
Zakuk songai te tute in amah khiah thangphat tuu-ih.
Amah khiah kih tuu-ih, Israel tesin fate.

24  Ziangmanti fangin a urte ai urhnak khiah amah in nautat lo i.
Hua khai hua lo i.
A hmai khai amah hmun in thup lo i.
Ikhalselai amah in amah hnenah kap fangin,
a kaphnak khiah za sah i.

25 Pawlpui te lakah nangmah khiah na cuan tuh ing.
Amah kih tute hmai ah thukham tuh ing.

26 Mi farahte in ei tuh ai kham tuh i.
Amah sii tute in BAWIPA khiah cuan tuh i.
Na thin khiah kumzangza in lo nung tu seh.

27 Laivum pumpuhluk a tong tian in hih tuh ai,
BAWIPA hnenah let tuh i.
Mi phun cang innkua a veksenin na hmai ah na bia tuh i.

28 Ziangmanti fangin kumpibawi ram khiah BAWIPA ai i.
Amah in mi phun hmuahhmuah uk i.

29 Laivum ai miliante veksenin ei tuh ai bia tuh i.
Laivut songah lut tu te in a hmai ah khuk caicin tuh i.
Amahte veve nung ruai ben lo tu tian in a hmai ah khuk caicin tuh i.

30  Tesin fate in amah na per sah tuh i.
BAWIPA thu khiah a suak tuh lai san mite hnenah rel tuh i.

31 “Amah in he khiah bawn i.” ti in amahte in kawi in a dikcanghnak khiah a te lai lo mite hnenah rel tuh i.

<<  PSALM 22  >>