1 BAWIPA khiah cuan tu!
BAWIPA hming khiah cuan tu.
Amah khiah cuan tu, ning, BAWIPA hnenum te.
2 Zan fangin BAWIPA inn ah ding tu
Kin Pathian inn tualvan ai dingtu te,
3 BAWIPA khiah cuan tuu-ih.
Ziangmanti fangin BAWIPA khiah a pha i.
A hming cuanhnak lasa tuu-ih.
Ziangmanti fangin a hming khiah daih kul i.
4 Ziangmanti fangin BAWIPA amah rori in
Zakuk khiah ril ai, Israel khiah a hlawnthil tuh in ril i.
5 Ziangmanti fangin BAWIPA khiah a lian ngai i.
ti khiah ling ing.
Kin BAWIPA khiah pathian dangte hnak in lian sawn i.
6 BAWIPA in a nuam bangin,van le lai le tipui song ah le a thuk hmun hmuahhmuah ah bawn i.
7 Amah in mairo khiah laivum a tong hmun in kaai ruai i.
Amah in ruah le tlek tla ruai i.
Hlivua khai a thilri khawihmun in kawih i.
8 Izip ramai minung le ramsa te fa hmasaber khiah rek sah i.
9 Aw Izip, Pharoah le a hnenumte ning veksen hnenah, hnikhnaihhnak le ngaihsun urkulte hleng ruai i.
10 Mi phun tam ngai khiah amah in neh ai
Kumpibawi tamngai khai rek i.
11 Ciate khiah Amor te kumpibawi Sihon,
Bashan kumpibawi Ok le Khanaan ramai kumpibawi veksente i.
12 Amahte ram khiah ro bang in co tuhin,
A minung Israel mite hnenah pe i.
13 Aw BAWIPA, na hming khiah kumzangza in kho i.
Aw BAWIPA, na hming khiah san hmuahhmuah ah thang i.
14 Ziangmanti fangin BAWIPA in a minungte khiah thukhan sah tuh i. Amah in a hnenumte hnenah ngaihharhnak nai tuh i.
15 Anite milim zuk tu sui le ngun ai bawnhnak i.
Minungte kut ai bawnhnak i.
16 Kaa nai napui ai pong lo i.
Mit nai napui ai khua khai hmu lo i.
17 Bil nai napui ai khua khai za lo i.
Amahte kaa songah haihawh um lo i.
18 A bawntute khai amahte bang pah i.
Amahte rinsantu te khai amahte bang i.
19 Aw Israel, BAWIPA khiah hmuifu bur tuu-ih.
Aw Aaron mite, BAWIPA khiah hmuifu bur tuu-ih.
Amah khiah amahte bawmtu le luumpui i.
20 Aw Levi mite, BAWIPA khiah hmuifu bur tuu-ih.
BAWIPA kih tu ningte, BAWIPA khiah hmuifu bur tuu-ih.
21 Jerusalem ah umtu te in BAWIPA khiah Zion in hmuifu bur tu seh.
BAWIPA khiah cuan tu.