Joshua 9

<<  JOSHUA 9  >>

1Jordan in he lam ramai tlaang vum le zawllai hmun le Lebanon lamai a Lian Tipui  mualtlaang hmuahhmuah ai umtu Hit mite le Amor mite le Khanaan mite le Periz mite le Hiv mite le Jebus mite kumpibawite in za fangin, 2Anite khai Joshua tawng tuhin thinkhat lungkhat in tai tlang i.

3Kibeon ai umtu mite in Joshua in Jerikhu le Ai mite hnenah bawnhnak khiah hmu fangin, 4a nite khai hrokhrawl ai amahte khiah ramdang nalaangte bangin kawi khel ai amahte vaidip khiah a hlun le a herte khiah lak  vumah phurh ai capittizu  khai a hlun le a her le a kon beraw dip songah phur ai, 5kedawl khai a hlun le a her te khiah dawl ai angki hlun khiah sil le  a ro keng le maangman kaai hnak pawnghmuk te kawmin 6Kilkal ai Joshua caam hmun camp ah kawi ai Joshua le Israel raalkapte hnenah, “Ram hla ngai in hleng i ing. Ciamanin kin thawn a remniu in um tuhin thukham dun nga sing.”ti in ti i. 7Ciafangin Israel mite in Hiv mite hnenah, “Kin nong ah lo um pang i silai a kontih in ning thawnin remhnak thukham bawn thill tuh i sing?”ti in sawn i. 8Ciafangin anite in Joshua hnenah, “Na hnenum i ing.”ti in ti i. Ciafangin Joshua in amahte khiah, “Aisu i si? A konin hleng i si?”ti in zawt i. 9Ciafangin amahte in, “BAWIPA   na Pathian  hming manin ram hla ngai in na hnenumte khiah hleng i ing. Ziangmanti fangin a hming thanghnak le Izip ramai a bawnhnak a veksen le 10Jordan run ralkhat ram ai Amor te kumpibawite panih Heshbon kumpibawi Sihon le Ashtaroth  Bashan kumpibawi Ok hnenah a bawnhnak khiah a veksen in zazo sio i ing. 11Ciamanin kin upate le kin ram ai mite in, ‘Ning khualsi hmunah ei tuhin rongte keng tu i lai amahte khiah tawk in, “Ning hnenum i ing. Ciamanin kin thawn a remniu in um thai in thukham bawn nga sing.”ti in rel tuu-ih.”ti in kin ruai i. 12He lamlak ai kin ei tuh ai kin kenghnak kin pawnghmuk te khiah kin inn in kin suak nia ah a sa ngai ai keng i ing. Tun in ro sio ai mangman khai kai i. 13Cen he kin dip khai capittizu kin thun fangin a thar i; tunin zik lenglo i hang. Cen kin khualsihnak a hla ngai manin he kin angki te le kin kedawlte khai hlun sio i hang.”ti in rel i. 14Ciafangin Israel mite in a rong khiah cang sah ai, BAWIPA khiah zawt hmasa lo i. 15Joshua in amahte thawn remhnak bawn ai amahte ramah um tuhin thukham dun i. Cen pawl upate in khai thukham ve i.

16Amahte thawn a remniu ai um tuhin thukham khelleh ni thum fangin, Israel mite in Kibeon mite khiah amahte ompui lo i ai amahte thawn a nongah um i ti khiah za i. 17Israel mite khai ni thum nia fangin Kibeonte khua ah hleng i.  Kibeon te khua khiah Kibeon le Cheripah le Beeroth le Kirjath-jearim i. 18Israel bawite in BAWIPA  Pathian hmai ah thukham zo manin Israel mite in amahte khiah rek lo i. Ciafangin pawlpuite in Israel bawite khiah hau i.  19Ikhalselai Israel bawite in pawlpuite hnenah, “BAWIPA  Pathian hmai ah amahte hnenah  thukham zo i ing. Ciamanin tunin amahte khiah rek tuh lo i sing. 20He khiah bawn nga sing: Amahte khiah nung ruai hlen nga sing. Cialo fangin amahte hnenah kin thukhamhnak manin kin vumah Pathian thinraw mawh ngai.”ti in ti i. 21Cen Israel bawite in amahte hnenah, “Amahte khiah nung ruai hlen nga singkhaw, kin pawl veksen ca in thingfom tu le  ticawi tu in hmang nga sing.” ti in rel ai amahte thukhamhnak bang in hlun i.

22Ciafangin Joshua in Kibeon mite khiah ko ai amahte hnenah, “Ziangmanin kin nong niu ah lo um hlen napui ai, ‘ning hnenin a hla ngai um i ing.’ti in kin zawl i si? 23Ciamanin tunin awrsia in ning cam zo i. Mi cengfa in le i Pathian inn ca ai thingfom tu le ticawi tu tuhin kumzangza ning luat tuh lo i hang.”ti in rel i. 24Ciafangin anite in Joshua khiah, “BAWIPA   na Pathian in a hnenum Moses hnenah, he ram veksen khiah na pe tuhai na hmai in he ramai umtu hmuah khiah a veksenin rek tuhin ruaihnak khiah kin na hnenum te hnenah kin rel perpo manin, nangmah in kin rek tuh khiah kin lau ze manin he khiah bawn i ing. 25Tunin na kut songah i ing. A pha le a hman i ti ai na hmu bangin kin bawn tu.”ti in ti i. 26Ciafangin Joshua in amahte khiah Israel mite in rek tuh lo in Israel mite kut songin luat ruai i. 27Ciamanin tunnia tian amahte khiah BAWIPA ai ril hmunah sa tuhhnak awlta ca in le Israel pawlpuite ca in thingfom tu le ticawi tu tuh in dah i.

<<  JOSHUA 9  >>

Recent Posts