Joshua 16

<<  JOSHUA 16  >>

1Joseph fate cohnak ram khiah Jordan runin  pan ai Jerikhu hiang nisuak hmunlam ai Jerikhu ti in nelrawn le mualtlang lakin Bethel tian, 2Bethel in Arkhi te ramri khiah Ataroth in khel ai Luz tian, 3ciata in nitla hmunlam  Japhlet ramri Beth Horon Hniata ramri in Kezer tian i ai ciata in tipui ah tong i. 4Ciatih bangin Joseph fate, Manasseh le Efraim in amahte ro khiah co i.

5Efraim ramri khiah hete i: Nisuak hmunlam ramri khiah Ataroth Addar lam Beth Horon Cungta tian i. 6Ciata in Michmethath saklam in tipui tian i. Ciata in a ramri khiah nisuak hmunlam Taanath Shiloh tian kawi ai Janohah ziatlam in vel i. 7Janohah in hlanglam Ataroth le Naarah ah zu ai Jerikhu tian hleng ai ciata in Jordan runah suak i. 8Cia ramri khiah Tappuah in nitla hmunlam Kanah Rawn ah kawi ai tipui hnenah tong i. He khiah Efraim fate cohnak ro i. 9Efraim fate khuapui le khuate nau khiah Manasseh fate roco hnak ram songah khai um i. 10Amahte in Kezer ai umtu Khanaan mite khiah hnawt lo i. Ikhalselai Efraim mite lakai umtu Khanaan mite khiah tunnia tianin Efraim mite kuli per sah i.

<<  JOSHUA 16  >>