Job 36

<<  JOB 36  >>

1 Ciafangin Elihu in pong leh thio ai,

2  “I ngaithiam rih tu i lai,
Pathian ca in pong tuhhnak um i lai
ti khiah ning hmuh ngang.

3  I fimhak khiah ram hlapui ai ngah hnak i.
Dikcanghnak khiah i Bawntu hnenin hlenghnak i
ti ing.

Ziangmanti fangin i ponghnak khiah a hmanlo i
lo i.
A khim liang ai lingtu pa khiah ning lakah um i.

5  Pathian khiah a lian ngai i.
Ikhalselai amah in aisu khai nautat lo i.
Amah in zai hmuahhmuah ling liang i.

6  Misualte nunhnak khiah zah ngio lo i.
Ikhalselai rimsutu te khiah a hman ngai in
thukhan sah i.

7  Mi dikcang te hnenin a mit khiah her lo i.
Ikhalselai amahte khiah kumpibawite kawmin
kumpibawi tauhkheng vumah to i.
Ziangmanti fangin amah in amahte khiah ciata
ah kumzangza in to ruai i.

8  Amahte ke khiah thirri in pen in
rimsuhnak rihual thawn hen lekhaw,

9  Amah in amahte naperhnak le amahte sualhnak
khiah rel i.
Amahte in a hngal ngai in lo nung awng i.

10 Amah in amahte bil songah thucuk ai,
sualhnak hmunin let ruai i.

11 Amahte in amah thu khiah ngai in
amah na khiah per sah lekhaw,
amahte in nunnuam in nung tuh i.
A hiam ngai in a kum khua in um tuh i.

12 Ikhalselai amahte in thu ngai hlahlekhaw,
amahte khiah vangsau thawn rek tuh ai
amahte khiah fimhnak nai lo pah in thi tuh i.

13 Ikhalselai mihrokhrawlte in Pathian
thinrawhnak khiah khawl i.
Amah in amahte khiah pen fangin, aisu khai
bawm ruai lo i.

14 Amahte khiah tlangval niu pah in thi i.
Amahte khiah misualte lakah um i.

15 Mi farahte khiah amahte anharhnak songin
luat ruai ai,
rimsuhnak thawn amahte bil khiah hong sah i.

16 Pathian in nangmah khiah thin thip hmun in
na suah nuam ai,
a kau ngai hmunah na kham tu tuh um lo
hmunah na kawih nuam i.
Na cabuai khiah rong ur thawn dim ruai nuam

17 Ikhalselai tuntu mi sualte ai
ngah vo cawhkuan thawn na cawh i.
Cawhkuanhnak le dikcanghnak in nangmah
khiah na pom i.

18 Thinrawhnak um manin,
Pathian in nangmah khiah kut tum in
na seu ngah thai pang khiah ralring tu.
Ziangmanti fangin nawhthuh lian ngai thawn
na luat ruai tuh lo i.

19 Na thilri naihnak le a lian ngai tha a veksenin
rinin thinthip hmunin na kham ben tuh im?

20 Cen zan khuathim khai daih mah.
Ciafangin mite khiah amahte umhmun ah mite in rek i.

21 Sualhnak khiah hlun tuh lo in raalring tu.
Ziangmanti fangin, rimsu tuar tahin sualhnak
khiah ril zo i si.

22 Pathian khiah a huthawm manin a saang ngai i.
Amah bangin aisu in mi thucuk thiam i?

23 Aisu in Amah nung dan tuh khiah rel thil i?
Aisu in amah khiah, ‘Na sual i?’ ti ngam i.

24 Amah perhnak na khiah larruai tuhin hih tu.
Amah perhnak na khiah mite in la in sa i.

25 Aisu hmuah in hmu zo i.
Mite in a hla ngai in sik zo i.

26 Pathian khiah a lian ngai i. Kinte in ling ban lo
i sing.
Aisu in a kum khai ling ban lo i.

27 Ziangmanti fangin amah in ti khiah lang ai,
maici songin ruah cang ruai ai,

28 Mairo te in cia ruah khiah
minung vum ah sii ruai i.

29 Aisu in mairo khiah ling thill awm?
Cen Amah inn ai khuari tang aisu in ling thill i?

30 Vantlingtlaleuh khiah
amah hiang cingkim in tleu ruai ai,
tipui a thuk ber hmun tianin khuk i.

31 Hetih bangin amah in mi phun hmuahhmuah
thukhan sah ai,
amah in amahte khiah rong a tamngai in pe i.

32 Amah in a kut khiah vantlingtlaleuh thawn
khuk ai, tlek tla ruai i.

33 Amah ai khuari thawn khuahu hleng tuh khiah
relcia ai, kawlpawte rin in khuahu hleng tuh ling i.

<<  JOB 36  >>