1 Ciafangin Job in,
2 “Umhlah tuh um lo in ning ponghnakte
khiah mi zapui te ponghnak i.
Ning thi fangin ning fimhnak khai thi tuh ve i.
3 Ikhalselai ningmah bangin linghnak nai ve ing.
Ninghnak in tah i nau ce lo i.
Thu peu in aisu in he bang thu ling lo um i?
4 Kaimah khiah a rualpuite ai zauhsuamhnak mi ing.
Pathian khiah ko ai i sawn i.
Hnihcip le zauhsuamhnak pa mi dikcang le
mawhhluk tuh um lo pa ing.
5 Nunnuam ai umtu te in
rimsuhnak khiah nautat i.
Ke naal man bah tute ca i ti in ti i.
6 Miroktute buk khiah aisu in khai
hnaihnok sah lo i.
Amahte in amahte pathian khiah
amahte kut songah phur napui ai
Pathian zauhsuamtute khiah a muang niu in um
7 Ikhalselai sumhnamte zawt tu i lai,
ning zirh tuh i. Hli lakai vaniute zawt tu i lai,
ning rel tuh i.
8 Laipua hnenah rel tu i lai,
ning zirh tuh i.
Tipui songai ngate zawt tu i lai,
ning let sah tuh i.
9 He khiah Bawipa kut ai bawnhnak i ti in
hete in ling lo tu aisu um i?
10 Bawipa kut songah
a nung thil hmuahhmuah te nunhnak le
minung veksen te haihawh um i.
11 Bil kua in a zahnak thu khiah ngaisung lo im?
Kaa kua in rong khiah tep lo im?
12 Fimhnak khiah kum tarte thawn um i.
Nun sau nung tute in linghnak nai i.
13 Pathian hnenah fimhnak le thazaang um i.
Amah hnenah tiamhnak le linghnak um i.
14 Pathian in ekhnak thil khiah
aisu in khai peh leh thill lo i.
Amah in mi pakhat thawnghla lekhaw,
cia pa in luat ngah thill tuh lo i.
15 Amah in ti khiah kham lekhaw,
ti khai kaang lio i.
Amah in ti khiah hlat lekhaw,
laipua khiah cum lio i.
16 Amah hnenah thazaang le fimhnak um i.
A zawlhnak pa le a zawltu pa khiah amah ai i.
17 Amah in mi thutiamtute thu khiah
a lovang cang ruai i.
Thukhantute khiah mivoi cang ruai i.
18 Kumpibawite ai penhnak thirri khiah hawk
sah ai amahte el khiah elpen thawn pen sah i.
19 Phungkite khiah a lovang cang ruai ai,
mi upate khiah hnawmcan sek i.
20 Mite ai sangberhnak mi te kaa khiah pit sah ai,
mi upate fimhnak khiah sut lio i.
21 Amah in mi bawite khiah zaikhai siar lo ai
mi upate raal thilthuam khiah long sah i.
22 Khuathim songai thu thuk te khiah laar ruai ai,
thihhnak hlaa khiah khuavar ah cang ruai i.
23 Amah in mi phunte khiah lian ruai ai
amahte khiah hnawmcan i.
Mi phunte khiah kau ruai ai,
amahte khiah konghoi i.
24 Amah in laivum ai mite bawite linghnak khiah
sut sek ai, amahte khiah lampui um lo nelrawn
songah vai ruai i.
25 Amahte in khuathim lakah khuavar um lo in a
phat kongin vak i.
Amah in amahte khiah zukham pa bangin
a tlu dawndawn in vak ruai i.