Isaiah 57

<<  ISAIAH 57  >>

1 A dikcang pa khiah thi ai,
aisu in khai zainam lo i.
Mi ngaihhar thai te khiah lang sek ai,
mi dikcangte khiah a pha lo hmun in
lang sah i ti khiah aisu in khai ling lo i.

2  A dikcang ai nungtu pa khiah thinnuam in um i.
Amahte khuahluan ah a muang niu in mitmu tuh i.

3  Ikhalselai tlahsante fate le misualte le
phatemah fate, heta ah kawi tuu-ih.

4  Aisu khiah zauhsuam i si?
Ning kaa le ning lei khiah aisu hmuh i si?
Ningte khiah sualhnak fate i lo i sim?
Thudon song ai suakhnakte i lo i sim?

5  Hlim thing lakah le thing hing hnia cang ah sual i si.
Naupangte khiah rawn songah le lung kualakah rek i si.

6  Rawnti lakai lungto mamte khiah na vo i.
Amahte, amahte khiah nangmah ca ai i.
Amahte hnenah nangmah in ding tuhin a hlu burh zo i si.
Amahte hnenah rongmu hlu zo i si.
Hete in thin i nuam ruai tuh im?

7 “A saang le a lian ngai mual vumah,
Na khuahluan dah i si.
Ciata ah raithawi tuhin hong i si.

8  Na dawngkham le dawngkham khuam ber ah
Na hihhnak zuk khiah dah i si.
Kaimah lo a dangte hnenah nangmah
khiah kawngkolh i si.
Amahte hnenah kawi i si.
Amahte thawn thukham dun i si.
Amahte khuahluan khiah na daih i.
Ciata ah amahte kawngkolh khiah sik i si.

9  Kumpibawipa hnenah zihmui thawn kawi ai,
na zihmui khiah tam ruai i si.
Na nalaangte khiah khua hla ngai ah hlat ai,
Sheol song tian ah tolh i si.

10 Na nundan in na cawl ruai napui ai,
‘Umm tuh zai khai um lo i.’ ti in rel lo i si.
Nunhnak thar tawk manin tha na hat ai
thi na khum lo i.

11 Aisu khiah kih in na lau manin
thudon rel ai, kaimah khiah i hih lo
le ruat lo in um i si?
Kaimah in hlanlai ai panin pong lo in um manin
i kih lo i sim?

12 Na dikcanghnak le na naper khiah na phuang sah tuh ing.
Ziangmanti fangin ciate in zai khai na hnempui tuh lo i.

13 Ning kap fangin, ning khawlhnak milim zukte in ning o tu seh.
Ikhalselai amahte khiah hlivua in lan tuh sio i.
Haihawh in amahte khiah hmut tuh sio i.
Ikhalselai i rinsan tu in he ram khiah ping tuhai,
a cianghlim i mualpui khiah co tuh i.”

14 Ciafangin mi pakhat in,  “Rem tu. Rem tu.
Lampui khiah rem tu.
I minungte lampui lakai a sui thai thingtum
khiah lang tuu -ih.”ti in ti tuh i.

15 Kumzangza ai um tu le a hming khiah
a Sang le a Lianber Cianghlim Pa in:
“Thinniamte khiah a rauhla nung ruai leh tuhai,
thinniamte thin khiah so ruai leh tuh in,
Thinniam niu ai um tu pa thawn a sang le
a cianghlim hmun ah umkhat tuh ing.

16 Mawh ning sii tuh tio lo ing.
Thin khai i raw tuh tio lo i.
Ziangmanti fangin i bawnhnak minungte
rauhla khiah i hmai ah baang tuh lio i.

17 Amah ai mi thil irhnak sualhnak manin
amah lakah i raw ai amah khiah vit ing.
I raw manin i hmai khiah a hnenin thup ing.
Ikhalselai amah in a thinlung in sual thotho i.

18 A nundan khiah hmu zo ing.
Amah khiah cak ruai tuh ing.
Amah khiah kong khai hoi tuh ing.
Amah le a kahtute hnenah thinnuamhnak
pe tuh ing

19 “A hla ngai ai umtute le a nong ai umtute hnenah,
thinnuamhnak, thinnuamhnak um tu seh,
ti ai a ka ai a ponghnak khiah
kaimah in bawn ing.”ti in Bawipa in rel i.

20 Ikhalselai misualte khiah khuahu seuhnak tipui bang i.
Cia tipui in com lo in nawng le hnawmborh khiah suah i.

21  “Misual te khiah thinnuuam in um thill lo i.”ti in i Pathian in ti i.

<<  ISAIAH 57  >>