Nehemiah 3

<<  NEHEMIAH 3  >>

1Ciafangin phungki upa pa Eliashib le a unau phungkite in Tu Dawngkham khiah sa ai ciang ruai ben fangin a dawngkham khiah tar i. Zakhat Inn tihnak inn saangpui tian sa ai cia khai ciang ruai ben fangin Hananeel Inn saangpui tian sa i. 2Eliashib khiah Jerikhu mite in son i. Cia son tu khiah Imri fapa Zakkhur i. 3Hassenaah fapate in khai Nga Dawngkham sa i. Amahte in luangkiang khiah dawngkham vumah zau ai dawngkhamte khiah a kalhhnak kawmin tar i. 4A sontu khiah Koz fapa Urijah fapa Meremoth i ai, sen khiah saleh i. A sontu khiah Meshezabeel fapa Berekhiah fapa Meshullum in sa i. A sontu khiah Baana fapa Zadok in sa i. 5A sontu khiah Teko mite in sa i. Ikhalselai a mi upate in amahte kodar thawn amahte Bawipa na khiah per nuam lo i.

6Ciazolo ah Paseah fapa Jehoida le Besodeiah fapa Meshullam in a Hlun Dawngkham khiah rem leh i. Dawngkham vumah luangkiang khiah zau ai dawngkhamte khiah a kalhhnak kawm in tar i. 7A sontu khiah Kibeon mi Melatiah, Meronot mi Jazson le Kibeon le Mizpah te in Runpui ralkhat ai uktu bawite inn rem i. 8A sontu khiah pumsu tu pakhat Harhaiah fapa Uzziel in sa i. A sontu khiah rimhmui bawntu Hananiah in sa i. Jerusalem khiah amahte in A Kau Sen tian a kho ngai in ren i. 9A sontu khiah Jerusalem khua tlamhmat songai bawi, Hur fapa Rephaiah in sa i. 10A sontu Harumaph fapa Jedaiah in a inn hmai ai sen khiah sa i. A sontu Hashabniah fapa Hattush in sa i. 11Harim fapa Malkhijah le Pahath-Moab in a dang sen le Lungthu Inn sangpui khiah sa i. 12A sontu khiah Hallohesh fapa Shallum i ai, amah khiah Jerusalem khua tlam hmat bawi i. A fenute kawmin sa i.

13Hanun le Zanoah ai umtute in Rawn zawllai Dawngkham khiah sa i. Amahte in cia dawngkham khiah sa ai dawngkham khiah a kalhhnak kawmin tar i. Cen Hnawmborh Dawngkham tian sen khiah dong 1,000 sa i. 14Beth Kakkerem ram ai umtu bawi Rechab fapa Malkhijah in Hnawmborh Dawngkham sa i. Cia dawngkham khiah sa ai dawngkham khiah a kalhhnak kawmin tar i. 15Mizpah khua bawi Khol-Hozeh fapa Shallun in Cirhti Dawngkham khiah sa ai dawngkham khiah a kalhhnak kawm in tar i. Cen Kumpibawi Vuandum hiang ai Shelah Tikhur sen khai David Khua in zuhnak kaipum tian sa i. 16A sontu khiah Beth Zur khua tlamhmat bawi Azbuk fapa Nehemiah i. Amah in David te hlankua hmai in minung ai cohnak tikhur le Milian te Inn tian sa i. 17A sontu khiah Levi te in sa ai amahte khiah Bani fapa Rehum in khawng i. A sontu khiah Hashabiah i. Amah khiah Keilah khua tlamhmat bawi i. Amah sem hnak hmun khiah rem i. 18A sontu khiah a unaute i. Amahte khiah Keilah tlamhmat bawi Henadad fapa Bava in khawng ai sa i. 19A sontu khiah Mizpah khua bawi Jeshua fapa Ezer i. Amah in raal thilri khawi hmunlam hmai ai sen khiah a kawn hmun tian sa i. 20A sontu khiah Zabbai fapa Barukh i. Amah in a kungniu in a kawn hmun in phungki upa Eliashib inn dawngkham tian sa i. 21A sontu khiah Koz fapa Urijah fapa Meremoth i. Amah in Eliashib inn dawngkham in Eliashib in kan tian sa i. 22A sontu khiah cia ram hiang ai phungkite in sa i. 23A sontu khiah Benjamin le Hasshub in amahte inn hmai ai sen khiah rem i. A sontu khiah Ananiah fapa Maaseiah fapa Azariah in a inn hiang ai sen khiah rem i. 24A sontu khiah Henadad fapa Binnui in Azariah inn ai panin a kawn hmun a ning tian sa i. 25Uzzai fapa Palal in a kawn hmun ralkhat le thawnginn tualvan hiang ai a cungta kumpibawipa inn sahnak a innsang hmun tian sa i. A sontu khiah Parosh fapa Pedaiah i. Amah in sa i. 26Ciazolo ah Ophel ai umtu Nethinim te in Ti Dawngkham hmai tian le nisuak hmunlam le saanginn tower tian sa i. 27A sontu khiah Tekoa mite i ai, a saanginn tower hiang in Ophel te sen tian sa i.

28Siphuh Dawngkham kaanah phungki te in amahte inn hmai ten khiah sa i. 29A sontu khiah Immer fapa Zadok in a inn hmai ai sen khiah rem i. A sontu khiah Nisuak hmunlam Dawngkham kiltu Sekhaniah fapa Shemaiah in sa i. 30A sontu khiah Shelemiah fapa Hananiah le Zalaph fapa parukhnak Haanun in sa i. A sontu khiah Berekhiah fapa Meshullam in a inn hmai ai sen khiah rem i. 31A sontu khiah sui pumsutu pakhat Malkhijih Nethinim te inn le dawrbawntu te inn tian sa i. Cia khiah Miphkad Dawngkham hmai ah i ai, a ning ai inn cungkhaan tian in sa i. 32A ning ai inn cungta khaan le Tu Dawngkham tian khiah sui pumsutute le dawrbawntute in sa i.

<<  NEHEMIAH 3  >>

Recent Posts