Nehemiah 11

<<  NEHEMIAH 11  >>

1Ciafangin mizapui lakai bawite khai Jerusalem khua songah um i. Cen mizapuite in sawmkhat songah pakhat khiah Jerusalem khua cianghlim songah um tuh ai pakua lam tu a dang ah um tuhin ril tlang i. 2Ciafangin mi zapui in aisu ruai kul lo ai Jerusalem ah um nuam tu mite a veksen khiah hmuifu bur i.

3He mite khiah amahte khua ai mi upa Jerusalem khua ah um tu mite i. (Ikhalselai Judah ramai khua songah amahte inn ten ah umtu te tu Israel mite, phungki te, Levi mite, Nethinim te le Solomon hnenumte tesin fate pawl i.) 4Cen Jerusalem ah khai Judah mite hrekkhat le Benjamin mite hrekkhat um i.  Judah mite songin: Perez fate Mahalaeel fa Shephatiah fa Amariah fa Zekhariah fa Uzziah fa Athaiah le 5Shiloni fapa Zekhariah fapa Joiarib fapa Adaiah fapa Hazaiah fapa Khol-Hozeh fapa Baruk fapa Maaseiah te i. 6Jerusalem ai umtu Perez fapate khiah zali le sawmruk le pariat i le amahte khiah raalpha ngai i.

7Hete khiah Benjamin fapate i: Jeshaiah fapa Ithiel fapa Maaseiah fapa Kolaiah fapa Pedaiah fapa Joed fapa Meshullam fapa Sallu i. 8A hnua ah Kabbai le Sallai i. A veksenin zakua le kul hluanriat i. 9Zikhri fapa Joel khiah amahte khawngtu i le Senuah fapa Judah khiah khua songah a panihhnak i.

10Phungkite songin: Joiarib fapa Jedaiah le Jachin; 11Ahitub fapa Meraioth fapa Zadok fapa Meshullam fapa Hilkiah fapa Seraiah khiah Pathian inn songah a upaber i. 12Pathian inn songah napertu a unaute khiahzariat le kul hluannih i. Malkhijah fapa Pashhur fapa Zekhariah fapa Amzi fapa Pelaliah fapa Jeroham fapa Adaiah fapa le 13a unaute a paate inn ai upate khiah zanih le sawmli le panih i. Cen Immer fapa Meshillemoth fapa Ahzai fapa Azareel fapa Amashai le 14a unaute mi raalpha ngai pawl khiah za le kul hluanriat i. Amahte khawngtu khiah mite lakai a upa ngai mi pakhat fapa Zabdiel i.

15Levi mite songah: Bunni fapa Hashabiah fapa Azrikam fapa Hasshub fapa Shemaiah; 16Shabbethai le Jozabad khiah Levi te bawi i ai Pathian inn pua ai naper khawng tute i. 17Asaph fapa Zabdi fapa Mikha fapa Mattaniah in anhnak thawn sawngen pan tu le a unau lakah a panih hnak Bakbukiah le Jeduthun fapa Kala fapa Shammua fapa Abda te i. 18Khua cianghlim songai umtu Levi te khiah zanih le sawmriat le pali i.

19Ciazolo ah dawngkham kiltute Akkub, Talmon le a unaute khiah za le sawmsarih le panih i. 20A tanghnak Israel mite le phungkite le Levi te khiah Judah ramai khua cang ah amahte inn ten ah um i. 21Ikhalselai Nethinim te tu Ophel ah um i. Ziha le Kishpa in Nethinim te khiah uk i.

22Cen Jerusalem ah Levi te khawngtu khiah Pathian inn songah lasatu tuhai tavuan dahhnak Asaph fapate fapa Mikha fapa Mattaniah fapa Hashabiah fapa Bani fapa Uzzi i. 23Lasatute khiah kumpibawipa thu pehnak bangin per ai ni khat hnua ni khat naper i. 24Judah fapa Zerah tesin fapa Meshezabeel fapa Pethahiah khiah kumpibawipa ca in mizapui thu rel sah tu i.

25Cen Judah mite a hrekkhat khiah khuate nau ah um i. Ciate khiah Kirjath Arba le a hiang ai khuate naute, Dibon le a hiang ai khuate naute, Jekabzeel le a hiang ai khuate naute, 26Jeshua, Moladah, Beth Pelet, 27Hazar Shual le Beersheba le a hiang ai khuate naute, 28Ziklak ah le Mekhonah le a hiang ai khuate naute, 29En Rimmon, Zorah, Jarmuth, 30Zanoah, Adullam le a hiang ai khuate naute, Lachish le a hiang ai ramah, Azekah le a hiang ai khuate naute songah um i. Amahte khiah Beersheba ai panin Hinnom Rawn zawllai tian ah um i.

31Cen Keba ai Benjamin fate khiah Mikmash, Aija, le Bethel le a hiang ai khuate naute le 32Anathoth, Nob, Ananiah, 33Hazor, Ramah, Kittaim, 34Hadid, Zeboim, Neballat, 35Lod, Ono, le Lettama Rawn zawllai tihnak tianah um i. 36Judah ai Levi phun a hrekkhat khiah Benjamin ramah um i.

<<  NEHEMIAH 11  >>

Recent Posts