Nehemiah 10

<<  NEHEMIAH 10  >>

1Cia laihnah vumah tacik khet tute khiah, Hakaliah fapa bawipa Nehemiah, le Zedekiah, 2Seraiah, Azariah, Jeremiah, 3Pashur, Amariah, Malkhijah, 4Hattush, Shebaniah, Malluch, 5Harim, Meremoth, Obadiah, 6Daniel, Kinnethon, Baruk, 7Meshullam, Abijah, Mijamin, 8Maaziah, Bilkai le Shemaiah te i. Hete khiah phungki te i. 9Levi te khiah, Azaniah fapa Jeshua, Henada fapate Binnui te le Kadmiel te i. 10A unaute khiah, Shebaniah, Hodijah, Kelita, Pelaiah, Hanan, 11Mikha, Rehob, Hashabiah, 12Zakkur, Sherebiah, Shebaniah, 13Hodijah, Bani le Beninu te i. 14Mite lakai a upate pawl khiah, Parosh, Pahath-Moab, Elam, Zattu, Bani, 15Bunni, Azkad, Bebai, 16Adonijah, Bikvai, Adin, 17Ater, Hezekiah, Azzur, 18Hodijah, Hashum, Bezai, 19Hariph, Anathoth, Nebai, 20Makpiash, Meshullam, Hezir, 21Meshezabeel, Zadok, Jaddua, 22Pelatiah, Hanan, Naiah, 23Hoshea, Hananiah, Hasshub, 24Hallohesh, Pilha, Shobek, 25Rehum, Hashabnah, Maaseiah, 26Ahijah, Hanan, Anan, 27Mallukh, Harim le Baanah te i.

28Ciafangin a dang mite (phungkite, Levi te, dawngkham kiltute, lasatute, Nethinim te, cia ramai mite thawn pawl awl ai Pathian Upadi dan hlun tu mite, a nute, a fapate, a fenute, fimhnak le linghnak naitu hmuah) khai 29a unaute le a upate hnenah kop ai Pathian hnenum Moses ai pehnak Pathian Upadi dan khiah hlun tuhin le kin Bawipa Pathian ai pehnak a thukhamte le a ruaihnak hmuahhmuah khiah bawn tuh le hlun tuhin cukcam ai thukham i. 30Kin fenute khiah he ram ai mite khiah pa siang tuh lo ai kin fapate in khai amahte fenute khiah nu siang tuh lo i sing. 31Cen he ram ai mite in amahte thilri le rong khiah Sabbath nia ah zuar lekhaw, kinte in Sabbath nia le ni ul nia ah cia te khai lai tuh lo in le kum sarih kum ah rongkhawm awl tuh ai laiba khai phing tuh lo in thukham i ing.

32Cen kin Pathian inn ca in kum siar shekel hmun thum khan hmun khat khai khon tuhin le, 32Bawipa sangper ca le rongmu hlu tuh le Sabbath Hla Thar le a bawn kel hnak puai ca ai mai thawn taihnak a hlu le, a cianghlim thilte ca le Israel mite sualhnak khuk tuhai sual ca ai a hlu le kin Pathian inn ca ai kulhnak naper ca in khon tuhin khai thukhan i ing. 34Cen Upadi dan songai nganhnak bangin, kin Pathian Bawipa awlta vumah tai tuh thing khiah kum khat hnua kum khat kin Pathian inn songah khon tuhin phungkite le Levi mite le mizapui khai amahte paa hin bangin ril tlang i ing. 35Cen kum khat hnua kum khat Bawipa inn ah kin rong thar a hmasaber le thingthai a hmasaber le, 36kin fapa a te hmasaber le kin kawlpaw a te hmasaber le kin tu te a te hmasaber khiah Upadi dan songah nganhnak bangin, kin Pathian inn ah, kin Pathian inn songai napertu phungkite hnenah kawih tuh in thukham bawn i ing. 37Cen kin rongthar a hmasaber le kin thingkung ai thingthai le capittizu thar le thau thar khiah phungkite hnen ah kin Pathian inn songah kawih tuhin khai thukham bawn i ing. Cen kin lovai hnak songai sephuhtaphuh khai Levi te hnenah kawih tuhai Levi te in kin saang sah tuh in khai thukham bawn i ing. 38Cen Levi te in cia sephuhtaphuh khiah saang fangin Aaron tesin fapa phungki pakhat khai Levi te lakah lo um tu seh. Ciafang in Levi te in sephuhtaphuh songah hmunha khan hmunkhat khiah kin Pathian inn songah rong khawi hmun khaan songah kawih tu seh. 39Ziangmanti fangin Israel mite in le Levi mite in rongmu a hlu le capittizu a thar le thau thar khiah Pathian inn songai thilri khawi hmun napertu phungkite le dawngkham kiltute le lasatute umhmun rong khawm hmun khaan songah kawih tu seh. Kin Pathian inn khiah hlum tuh lo i ing.

<<  NEHEMIAH 10  >>

Recent Posts